ಸೋಮವಾರ ಶ್ರೀ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರದ ಪ್ರಧಾನ ಕಾರ್ಯದರ್ಶಿ ಚಂಪತ್ ರೈ ಅವರು, ಪ್ರತಿಷ್ಠಾಪನೆಯಿಂದ ಇಲ್ಲಿಯವರೆಗೆ ಅಯೋಧ್ಯೆಯಲ್ಲಿ ರಾಮಲಲ್ಲಾನ ದರ್ಶನಕ್ಕೆ ಎಷ್ಟು ಭಕ್ತರು ಬಂದಿದ್ದಾರೆ ಎಂದು ಮಾಹಿತಿ ನೀಡಿದ್ದಾರೆ.
ಚಂಪತ್ ರೈ ಅವರು, ‘ಜನವರಿ 22 ರ ಮಹಾಮಸ್ತಕಾಭಿಷೇಕದಿಂದ ಸುಮಾರು 1.5 ಕೋಟಿ ಜನರು ರಾಮ್ ಲಲ್ಲಾನ ಮೂರ್ತಿ ನೋಡಲು ಬಂದಿದ್ದಾರೆ, ಪ್ರತಿದಿನ ಒಂದು ಲಕ್ಷಕ್ಕೂ ಹೆಚ್ಚು ಜನರು ದರ್ಶನಕ್ಕಾಗಿ ದೇವಾಲಯಕ್ಕೆ ಬರುತ್ತಿದ್ದಾರೆ ಎಂದು ಹೇಳಿದ್ದಾರೆ. ಸೋಮವಾರ ಅಂದರೆ ಏಪ್ರಿಲ್ 22 ರಂದು ಅಯೋಧ್ಯೆ ರಾಮಮಂದಿರ ಉದ್ಘಾಟನೆಯಾಗಿ ಮೂರು ತಿಂಗಳು ಪೂರ್ಣಗೊಂಡಿದೆ. ಆದರೆ, ದೇವಸ್ಥಾನದ ಸಂಪೂರ್ಣವಾಗಿ ಇನ್ನೂ ಪೂರ್ಣಗೊಂಡಿಲ್ಲ. ದೇವಾಲಯದ ಮೊದಲ ಅಂತಸ್ತಿನ ಕಾಮಗಾರಿ ಇನ್ನೂ ನಡೆಯುತ್ತಿದೆ. ಇದಲ್ಲದೇ ದೇವಾಲಯದ ಸುತ್ತಲೂ 14 ಅಡಿ ಅಗಲದ ಭದ್ರತಾ ಗೋಡೆ ನಿರ್ಮಿಸಲು ಸಿದ್ಧತೆ ನಡೆಸಲಾಗಿದೆ ಎಂದು ಹೇಳಿದ್ದಾರೆ.
ಜಾಹೀರಾತು
ಮಾಹಿತಿ ನೀಡಿದ ರಾಮಮಂದಿರ ಟ್ರಸ್ಟ್, ರಾಮಮಂದಿರದ ಜೊತೆಗೆ ಒಟ್ಟು 7 ದೇವಾಲಯಗಳನ್ನು ಸಂಕೀರ್ಣದೊಳಗೆ ನಿರ್ಮಿಸಲಾಗುವುದು ಎಂದು ಹೇಳಿದರು. ಇದರಲ್ಲಿ ಮಹರ್ಷಿ ವಾಲ್ಮೀಕಿ ದೇವಾಲಯ, ಮಹರ್ಷಿ ವಶಿಷ್ಠ ದೇವಾಲಯ, ಮಹರ್ಷಿ ವಿಶ್ವಾಮಿತ್ರ ದೇವಾಲಯ, ಮಹರ್ಷಿ ಅಗಸ್ತ್ಯ ದೇವಾಲಯ, ನಿಶಾದ್ ರಾದ್, ಮಾತಾ ಶಬರಿ, ದೇವಿ ಅಹಲ್ಯಾ ದೇವಾಲಯಗಳು ಸೇರಿವೆ ಎಂದು ಹೇಳಿದ್ದಾರೆ. ಈ ದೇವಾಲಯಗಳು ಭಕ್ತರಿಗೆ ತ್ರೇತಾಯುಗದ ಅನುಭೂತಿಯನ್ನು ನೀಡುತ್ತವೆ. ಸಿದ್ಧಗೊಳ್ಳುತ್ತಿರುವ ದೇವಾಲಯದ ಮುಖ್ಯ ದ್ವಾರವನ್ನು ಸಿಂಗ್ ದ್ವಾರ ಎಂದು ಕರೆಯಲಾಗುವುದು ಎಂದು ಹೇಳಿದ್ದಾರೆ.
ದೇವಾಲಯವು ಮೂರು ಅಂತಸ್ತಿನದ್ದಾಗಲಿದೆ. ಪ್ರತಿ ಮಹಡಿಯ ಎತ್ತರ 20-20 ಅಡಿ ಇರುತ್ತದೆ. ಒಟ್ಟು 2.7 ಎಕರೆಯಲ್ಲಿ ಈ ರಾಮಮಂದಿರ ನಿರ್ಮಾಣವಾಗುತ್ತಿದೆ ಎಂದು ತಿಳಿಸಿದ್ದಾರೆ. ದೇವಾಲಯದ ಎತ್ತರ ಸುಮಾರು 161 ಅಡಿ ಇರುತ್ತದೆ. ದೇವಾಲಯ ನಿರ್ಮಾಣ ಸಮಿತಿ ಅಧ್ಯಕ್ಷ ನೃಪೇಂದ್ರ ಮಿಶ್ರಾ ಮಾತನಾಡಿ, ಈಗಷ್ಟೇ ನೆಲಮಹಡಿ ನಿರ್ಮಿಸಲಾಗಿದೆ. ಮೊದಲ ಮತ್ತು ಎರಡನೇ ಮಹಡಿಗಳನ್ನು ಡಿಸೆಂಬರ್ 2024 ರೊಳಗೆ ಪೂರ್ಣಗೊಳಿಸಲಾಗುವುದು ಎಂದು ಹೇಳಿದ್ದಾರೆ.
ಜಾಹೀರಾತು
