ಪುತ್ತೂರು: ಜನರ ಆರೋಗ್ಯಕ್ಕಾಗಿ ಸರಕಾರ ವಿವಿಧ ಯೋಜನೆಗಳನ್ನು ಜಾರಿಮಾಡುತ್ತಿದೆ ಜನರು ಇದರ ಪ್ರಯೋಜನವನ್ನು ಪಡೆಸುಕೊಳ್ಳಬೇಕು‌ಮತ್ತು ಆರೋಗ್ಯದ ವಿಚಾರದಲ್ಲಿ ಹೆಚ್ಚು ಒಲವು ಹೊಂದಿರಬೇಕು ಎಂದು ಶಾಸಕರಾದ ಅಶೋಕ್ ರೈ ಹೇಳಿದರು. ಅವರು ಬನ್ನೂರು ಕಜೆಯಲ್ಲಿ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ವತಿಯಿಂದ ನೂತನವಾಗಿ ನಿರ್ಮಾಣಗೊಂಡ ಆರೋಗ್ಯ ಮತ್ತು ಕ್ಷೇಮ ಕೇಂದ್ರವನ್ನು ಉದ್ಘಾಟಿಸಿ‌ಮಾತನಾಡಿದರು.
ಜನರ ಆರೋಗ್ಯ ಕಾಪಾಡುವ ನಿಟ್ಟಿನಲ್ಲಿ ಕರ್ನಾಟಕ ಸರಕಾರ ಸರಕಾರಿ‌ಆಸ್ಪತ್ರೆ ,ಸಮುದಾಯ ಆರೋಗ್ಯ ಕೇಂದ್ರಗಳಲ್ಲಿ‌ಎಲ್ಲಾ ರೀತಿಯ ಸೌಲಭ್ಯವನ್ನು ನೀಡುತ್ತಿದೆ. ವೈದ್ಯರುಗಳನ್ನು‌ನೇಮಕ‌ಮಾಡುವ ಮೂಲಕ ವೈದ್ಯರು ಮತ್ತು ಔಷಧಿ ಕೊರತೆಯನ್ನು ಪರಿಹರಿಸಿದೆ. ಸರಕಾರಿ ಆಸ್ಪತ್ರೆಗಳು ಈಗ‌ಮೊದಲಿನಂತಿಲ್ಲ ಸಾಕಷ್ಟು ಬದಲಾವಣೆಯಾಗಿದೆ ಎಂದು ಶಾಸಕರು ಹೇಳಿದರು.
ನೂತನವಾಗಿ ಆರಂಭಗೊಂಡ ಆರೋಗ್ಯ ಮತ್ತು ಕ್ಷೇಮ ಕೇಂದ್ರದಲ್ಲಿ ಮಹಿಳೆಯರ, ಗರ್ಭಿಣಿಯರ‌ಮತ್ತು ಮಾರಕ‌ಕಾಯಿಲೆ ಹೊಂದಿರುವ ರೋಗಿಗಳಿಗೆ
ಮಾಹಿತಿ‌ಮತ್ತು‌ಔಷಧಿಯನ್ನು‌ನೀಡಲಾಗುತ್ತದೆ. ಪ್ರತೀ ಹಳ್ಳಿಯಲ್ಲೂ ಈ‌ರೀತಿ ಸೇವೆ ಒದಗಿಸಲು ಸರಕಾರದ‌ಮಟ್ಟದಲ್ಲಿ‌ಚರ್ಚೆ ನಡೆಯುತ್ತಿದೆ ಎಂದು‌ಶಾಸಕರು ಹೇಳಿದರು.
ತಾಲೂಕು ಆರೋಗ್ಯಾಧಿಕಾರಿ ಡಾ.ದೀಪಕ್ ರೈ‌ಮಾತನಾಡಿ ಸ್ಥಳೀಯ ಎಲ್ಲರೂ ಇದರ ಪ್ರಯೋಜನ‌ಪಡೆದುಕೊಳ್ಳುವಂತೆ‌ಮನವಿ ಮಾಡಿದರು.
ವೇದಿಕೆಯಲ್ಲಿ ಬನ್ನೂರು ಗ್ರಾಪಂ ಅಧ್ಯಕ್ಷೆ ಸ್ಮಿತಾ, ಉಪಾಧ್ಯಕ್ಷ ಶೀನಪ್ಪ‌ಮೂಲ್ಯ, ಉಪ್ಪಿನಂಗಡಿ ಸಮುದಾಯ ಆರೋಗ್ಯ ಕೇಂದ್ರದ ವ್ಯಧ್ಯಾಧಿಕಾರಿ ಡಾ. ಕೃಷ್ಣಾನಂದ, ಪಿಡಿಒ ಚಿತ್ರಾ,ಉದ್ಯಮಿ‌ಡೆನ್ನಿಸ್ ಮಸ್ಕರೇನಸ್, ಕಟ್ಟಡ ಮಾಲಿಕ ತಿಮ್ಮಣ್ಣ ಕಜೆ, ರತ್ನಾಕರ ಪ್ರಭು, ಗ್ರಾಪಂ ಸದಸ್ಯ ಸುಪ್ರಿತ್, ಸೌಮ್ಯ ಗ್ರಾಮ ಆರೋಗ್ಯ ಅಧಿಕಾರಿ, ಆರೋಗ್ಯ ಸಂರಕ್ಣಾಧಿಕಾರಿ ದಮಯಂತಿ,ಆಶಾ ಕಾರ್ಕರ್ತೆ, ಅಂಗನವಾಡಿ ಕಾರ್ಯಕರ್ತೆಯರು ಹಾಗೂ ಗ್ರಾಮಸ್ಥರು‌ಉಪಸ್ಥಿತರಿದ್ದರು.
ಜಾಹೀರಾತು
