ಬಂಟ್ವಾಳ:-ನಮ್ಮ ವಠಾರ ಮುಗ್ಡಾಲ್ ಗುಡ್ಡೆ ವತಿಯಿಂದ ನಡೆದ ತುಳು ನಾಡಿನ ಸಂಸ್ಕೃತಿಯ ಸಂಸ್ಕಾರವನ್ನು ಉಳಿಸುವ ಪ್ರತೀಕವಾದ ನಾಲ್ಕನೇಯ ವರ್ಷದ”ಆಟಿಡೊಂಜಿ ದಿನ” ಕಾರ್ಯಕ್ರಮವು ಆದಿತ್ಯವಾರ ಬಹು ವಿಜೃಂಭಣೆಯಿಂದ ಜರಗಿತು.
ಈ ಕಾರ್ಯಕ್ರಮವನ್ನು ಹಿರಿಯರಾದ ಶ್ರೀ ರತ್ನಮ್ಮ ದೀಪ ಬೆಳಗಿಸಿ ಉದ್ಘಾಟಿಸಿದರು, ಶ್ರೀಮತಿ ಯಶೋಧ , ಶ್ರೀಮತಿ ರಾಜೀವಿ, ಶ್ರೀಮತಿ ಪ್ರಮೇಯ ಶ್ರೀಮತಿ ಲಲಿತಾ , ಮತ್ತು ಶ್ರೀಮತಿ ರೇಖಾ ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸಿದ್ದರು. ಕುಮಾರಿ ನಿತ್ಯ ,ಸಾನ್ವಿ ,ತೃಶಾ ಮತ್ತು ದಿಶಾ ಪ್ರಾರ್ಥನೆಯನ್ನು ಹಾಡಿದರು. ಈ ಸಂದರ್ಭದಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾಗಿ ತುಳುನಾಡಿನಲ್ಲಿ ನಡೆಯುವಂತಹ ಹಲವಾರು ಸಂಸ್ಕೃತಿಯನ್ನು ಬಿಂಬಿಸುವ ಸ್ಥಳಿಯ ಪ್ರತಿಭಾನ್ವಿತ ಮಕ್ಕಳಿಂದ ನೃತ್ಯ, ಮಹಿಳೆಯರಿಂದ ವಿವಿಧ ತುಳುನಾಡಿನ ವಿಶೇಷತೆಗಳ ಕಾರ್ಯಕ್ರಮ ಜರಗಿತು.
ಜಾಹೀರಾತು
ಹಿರಿಯರಾದ ಶ್ರೀ ರತ್ನಮ್ಮ ಅವರನ್ನು ಗಣ್ಯ ವ್ಯಕ್ತಿಗಳ ಜತೆಯಲ್ಲಿ ಗೌರವದಿಂದ ಸನ್ಮಾನಿಸಲಾಯಿತು. ವಿವಿಧ ತರದ ತುಳುನಾಡಿನ ಆಟಿ ತಿಂಗಳ ತಿಂಡಿ ತಿನಿಸು ಗಳನ್ನು ವಠಾರದಲ್ಲಿ ಸೇರಿದ ಹಲವು ಮನೆಯಿಂದ ಮಾಡಿದ ವಿವಧ ಆಹಾರ ಪದಾರ್ಥವನ್ನು ವಿತರಿಸಲಾಯಿತು. ಸಮಾರೋಪ ಸಮಾರಂಭದಲ್ಲಿ ಸಂಪೂರ್ಣ ವ್ಯವಸ್ಥೆಯನ್ನು ಮಾಡಿದ ಸಮಾಜ ಸೇವಾ ಸಹಕಾರಿ ಸಂಘ ನಿಯಮಿತ ಬಂಟ್ವಾಳ ದ ಅಧ್ಯಕ್ಷರಾದ ಶ್ರೀ ಸುರೇಶ ಕುಲಾಲ್,ಅಕ್ಷಯ ಫ್ರೆಂಡ್ಸ್ ಅಧ್ಯಕ್ಷರಾದ ಶ್ರೀ ಮಹಾಬಲ, ಶ್ರೀಮತಿ ಯಶೋಧ, ಶ್ರೀ ಚಂದ್ರಹಾಸ, ಶ್ರೀ ದೇವಾನಂದ, ಶ್ರೀ ಅಶೋಕ್, ಉಪಸ್ಥಿತರಿದ್ದರು. ಸಮಾಜ ಸೇವಾ ಸಹಕಾರಿ ಸಂಘ ನಿಯಮಿತ ಬಂಟ್ವಾಳ ಅಧ್ಯಕ್ಷರಾದ, ಶ್ರೀ ಸುರೇಶ್ ಕುಲಾಲ್, ಮಾಹಿನ್ ಡೆಕೋರೇಟರ್ ನಾ ಹರೀಶ್, ಡಿ ಜೆ ಒಪರೇಟರ್ ಭಾಸ್ಕರ್ ಮುಂಡಾಡಿ, ಶ್ರೀ ಸದ್ಗುರು ಸೌಂಡ್ಸ್ ನಿತ್ಯಾನಂದ ನಗರ ದ ಯಜ್ಞೇಶ್, ಅಕ್ಷಯ ಫ್ರೆಂಡ್ಸ್ ನ ಶ್ರೀ ಮಹಾಬಲ ಅವರನ್ನು ಗೌರವಿಸಲಾಯಿತು. ಕಾರ್ಯಕ್ರಮವನ್ನು ಶ್ರೀ ಮತಿ ವಿಜೇತ ಎನ್ ಕೆ ಕುಲಾಲ್ ಮತ್ತು ಎನ್.ಕೆ.ಕುಲಾಲ್ ಬೇಕೂರು ನಿರೂಪಿಸಿ ಧನ್ಯವಾದವಿತ್ತರು. ಕು/ ಹರ್ಷಿತಾ ಕುಲಾಲ್ ಮತ್ತು ಶ್ರೀಮತಿ ಸುಪ್ರೀತಾ ಕಾರ್ಯಕ್ರಮವನ್ನು ನಿರ್ವಹಿಸಿದರು
ಜಾಹೀರಾತು
ಜಾಹೀರಾತು
