ಖ್ಯಾತ ಛಾಯಾಗ್ರಾಹಕ ಗುರುದತ್ ಕಾಮತ್ ನಿಧನ

ಉಡುಪಿ: ಖ್ಯಾತ ಹಿರಿಯ ಛಾಯಾಗ್ರಾಹಕ ಗುರುದತ್ ಕಾಮತ್ (58) ಅವರು ಅಲ್ಪಕಾಲದ ಅಸೌಖ್ಯದಿಂದ ಇಂದು ನಿಧನ ಹೊಂದಿದರು.
ಅನಾರೋಗ್ಯದಿಂದ ಬಳಲುತ್ತಿದ್ದ ಅವರನ್ನು ಚಿಕಿತ್ಸೆಗಾಗಿ ಮಂಗಳೂರಿನ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಿಸದೆ ಇಂದು ಕೊನೆಯುಸಿರೆಳೆದಿದ್ದಾರೆ.

ಛಾಯಾಚಿತ್ರ ಲೋಕದ ದಿಗ್ಗಜ ಗುರುದತ್ ಕಾಮತ್ ಉಡುಪಿ ಕಿಡ್ನಿ ಸಮಸ್ಯೆಯಿಂದ ಇಂದು ನಿಧನರಾಗಿದ್ದಾರೆ . ಸಾವಿರಾರು ಛಾಯಾಗ್ರಾಹಕರಿಗೆ ಪ್ರತಿ ದಿನದ ಅಪ್ಡೇಟ್ ಗಳ ಬಗ್ಗೆ ಸ್ಪಷ್ಟ ಮಾಹಿತಿ ನೀಡುತ್ತಿದ್ದ ಕರಾವಳಿಯ ಅಗ್ರಮಾನ್ಯ ಛಾಯಾಗ್ರಾಹಕ ಹಾಗು ಅದ್ಭುತವಾದ ಛಾಯಾಚಿತ್ರಗಳನ್ನು ಜಗತ್ತಿಗೆ ನೀಡಿದ ನನ್ನಿಷ್ಟದ ಛಾಯಾಗ್ರಾಹಕ ಗುರು “ದತ್ ” ಇನ್ನಿಲ್ಲ ಅನ್ನೋದಕ್ಕೆ ತುಂಬಾ ನೋವಾಗುತ್ತಿದೆ.

ಜೀವನವನ್ನು ಮದುವೆಯಾಗದೆ ಫೋಟೋಗ್ರಫಿಗೆ ಮೀಸಲಿಟ್ಟ ಛಾಯಾಲೋಕದ ಮಿನುಗುತಾರೆ.ಕರಾವಳಿಯ ಅವಳಿ ಜಿಲ್ಲೆಗಳ ಛಾಯಾಗ್ರಾಹಕರ ಯಾವುದೇ ಹೊಸ ಕ್ಯಾಮರಾಗಳ ಸೆಟ್ಟಿಂಗ್ಸ್, ಫೋಟೋ ಶಾಪ್, ಲೈಟ್ ರೂಮ್ ಇನ್ಸ್ಟಾಲ್ ಹಾಗು ಮ್ಯಾಕ್ ಬುಕ್ ನ ಅತ್ಯಾಧುನಿಕ ತಂತ್ರಜ್ಞಾನಗಳನ್ನು ಎನಿ ಡೆಸ್ಕ್ ಮೂಲಕವೇ ಸಮಸ್ಯೆ ಗಳನ್ನು ಬಗೆಹರಿಸುತ್ತಿದ್ದ ಒಬ್ಬ ಮಹಾ ಗುರುಗಳನ್ನು ಕಳೆದುಕೊಂಡು ಛಾಯಾಚಿತ್ರ ಲೋಕ ಅನಾಥವಾಗಿದೆ.

ಜಾಹೀರಾತು