ಭಾರತ ಸರ್ಕಾರದ Skill India ಯೋಜನೆಯಡಿಯಲ್ಲಿ ಯುವಕರಿಗೆ “Earn While You Learn” ಅಂದರೆ
ಕಲಿಕೆಯೊಂದಿಗೆ ಗಳಿಕೆ ಮಾಡುವ ಅವಕಾಶವನ್ನು ನೀಡುವ ಉದ್ದೇಶದಿಂದ ಅಪ್ರೆಂಟಿಸ್ ಟ್ರೈನಿಂಗ್ ಯೋಜನೆ ಪ್ರಾರಂಭಿಸಲಾಗಿದೆ.
ಕೈಗಾರಿಕಾ ತರಬೇತಿ ಸಂಸ್ಥೆಯಲ್ಲಿ ತರಬೇತಿಯ ಸಂದರ್ಭದಲ್ಲಿ ಯಾವುದೇ ವೃತ್ತಿಯನ್ನು ಆಯ್ಕೆ ಮಾಡಿದರೂ, ಅವರಿಗೆ ಶಿಕ್ಷಣದ ಬಳಿಕ ಒಂದು ವರ್ಷದ ಅಪ್ರೆಂಟಿಸ್ ತರಬೇತಿಯು ಇವತ್ತು ಅನಿವಾರ್ಯ ಮತ್ತು ಮುಂದಿನ ಭವಿಷ್ಯಕ್ಕೆ ಒಳ್ಳೆಯ ಸಹಕಾರವು ಆಗಿರುತ್ತದೆ….. ಎಂದು ಸರಕಾರಿ ಮಹಿಳಾ ಐಟಿಐ ಸಂಸ್ಥೆ ಮಂಗಳೂರು, ಇಲ್ಲಿಯ ಪ್ರಾಚಾರ್ಯರಾದ ಶ್ರೀ ಶಿವಕುಮಾರ್ ರವರು ಬೆಥನಿ ಐಟಿಐ ಸಂಸ್ಥೆಯಲ್ಲಿ ನಡೆದ ರಾಷ್ಟ್ರೀಯ ಅಪ್ರೆಂಟಿಸ್ ಜಾಗೃತಿ ಕಾರ್ಯಕ್ರಮ
(National Apprenticeship Awareness Programme) ದಲ್ಲಿ ಮಾಹಿತಿ ನೀಡಿದರು.
ಜಾಹೀರಾತು
ಜಾಹೀರಾತು
ಹಾಗಾಗಿ ಐಟಿಐ ಬಳಿಕ ಅಪ್ರೆಂಟಿಸ್ ತರಬೇತಿಯೊಂದಿಗೆ ಹಣ ಸಂಪಾದನೆ ಕೂಡ ಮಾಡುವ ಮೂಲಕ ಮುಂದಿನ ಭವಿಷ್ಯದ ಉದ್ಯೋಗವನ್ನು ಖಾಸಗಿ, ಸರಕಾರಿ ಹಾಗೆಯೇ ದೇಶ – ವಿದೇಶದ ಹೆಸರಾಂತ ಇಂಡಸ್ಟ್ರೀಸ್ ಗಳಲ್ಲಿ ಮಾಡುವಲ್ಲಿ ಅಪ್ರೆಂಟಿಸ್ ತರಬೇತಿ ಅತ್ಯಮೂಲ್ಯ ಕೊಡುಗೆಯನ್ನು ನೀಡುತ್ತದೆ.
ಒಬ್ಬ ಐಟಿಐ ಕಲಿಯುವ ಆಸಕ್ತ ವಿದ್ಯಾರ್ಥಿಗೆ ಐಟಿಐ ಸೇರುವುದರಿಂದ ಆರಂಭಿಸಿ ಐಟಿಐ ತರಬೇತಿ ಸಂದರ್ಭದಲ್ಲಿ On Job Training , (ಐಟಿಐ/ಉದ್ಯಮ/ ಕಂಪನಿ ಯಲ್ಲಿ ನೇರವಾಗಿ ಕೆಲಸ ಮಾಡುತ್ತಾ ಕಲಿಯುವ ತರಬೇತಿ ವಿಧಾನ), ಆಮೇಲೆ ಅಪ್ರೆಂಟಿಸ್ ತರಬೇತಿಗೆ ಮಾರ್ಗದರ್ಶನ, ಬಳಿಕ ಉತ್ತಮ ಸಂಭಾವನೆಯ ಉದ್ಯೋಗದ ಭರವಸೆಯನ್ನು ಬೆಥನಿ ಕೈಗಾರಿಕಾ ತರಬೇತಿ ಸಂಸ್ಥೆಯು (ಬೆಥನಿ ಐಟಿಐ ನೆಲ್ಯಾಡಿ ) ನೀಡುತ್ತಿದೆ.
ಇದರ ಸದುಪಯೋಗವನ್ನು SSLC , PUC ಮತ್ತು ಡಿಗ್ರಿ ಆಗಿರುವ ವಿದ್ಯಾರ್ಥಿಗಳು ಪಡೆಯುವಂತಾಗಲಿ ಎಂಬುದು Skill India ಮೂಲ ಧ್ಯೇಯವಾಗಿದೆ. ಈ ಕಾರ್ಯಕ್ರಮದಲ್ಲಿ ತರಬೇತಿ ಅಧಿಕಾರಿ ಶ್ರೀ ಜಾನ್ ಪಿ. ಎಸ್ ಸ್ವಾಗತಿಸಿ, ಸಂಸ್ಥೆಯ ಪ್ರಾಚಾರ್ಯರಾದ ಶ್ರೀ ಸಜಿ ಕೆ ತೋಮಸ್ ವಂದನಾರ್ಪಣೆ ಮಾಡಿದರು.
ಜಾಹೀರಾತು
ಜಾಹೀರಾತು
ಜಾಹೀರಾತು
ಜಾಹೀರಾತು
ಜಾಹೀರಾತು
