ಯಶ್ ನಟಿಸಿರುವ ಭಾರತದ ಬಹು ನಿರೀಕ್ಷಿತ ಸಿನಿಮಾ ಟಾಕ್ಸಿಕ್ ಈ ಹಿಂದೆ ಸಿನಿಮಾದ ಟೀಸರ್ಗಳು, ಹಾಡುಗಳು ಈಗಾಗಲೇ ಬಿಡುಗಡೆ ಆಗಿದ್ದು ಭಾರಿ ವೈರಲ್ ಆಗಿವೆ. ಟೀಸರ್ ಮತ್ತು ಹಾಡುಗಳಿಗೆ ಭಾರಿ ಪ್ರಶಂಸೆ ವ್ಯಕ್ತವಾಗಿದೆ. ಕೆಲವರು ಟೀಕೆ ಸಹ ಮಾಡಿದ್ದಾರೆ. ಇದೀಗ ‘ಟಾಕ್ಸಿಕ್’ ಸಿನಿಮಾದ ಟ್ರೈಲರ್ ಅನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ. ಸಿನಿಮಾದ ಟ್ರೈಲರ್ ಅನ್ನು ಇಂದು (ಆಗಸ್ಟ್ 08) ಎಎಂಬಿ ಮಾಲ್ನಲ್ಲಿ ಅದ್ಧೂರಿಯಾಗಿ ಚಿತ್ರತಂಡ ರಿಲೀಸ್ ಮಾಡಿದೆ. ಟ್ರೈಲರ್, ನಿರೀಕ್ಷೆಯಂತೆಯೂ ಆಕ್ಷನ್ ಭರಿತವಾಗಿದೆ. ಟಾಕ್ಸಿಕ್ನಲ್ಲಿ ಯಶ್ ರಾಯನಾಗಿ ಹಾಗೂ ಟಿಕೆಟ್ ಆಗಿ ಅಬ್ಬರಿಸಿದ್ದಾರೆ.
4:38 ನಿಮಿಷದ ‘ಟಾಕ್ಸಿಕ್’ ಸಿನಿಮಾ ಟ್ರೈಲರ್ನಲ್ಲಿ ಕತೆಯ ಸಾಕಷ್ಟು ಸುಳಿವುಗಳನ್ನು ಬಿಟ್ಟುಕೊಡಲಾಗಿದೆ. ಜೊತೆಗೆ ಯಶ್ ಅವರ ಪಾತ್ರದ ಜೊತೆಗೆ ಸಿನಿಮಾದ ನಾಯಕಿಯರ ಪಾತ್ರಕ್ಕೂ ಪ್ರಾಧಾನ್ಯತೆ ನೀಡಲಾಗಿದೆ. ಟ್ರೈಲರ್ನಲ್ಲಿ ಆಕ್ಷನ್, ಪಂಚಿಂಗ್ ಡೈಲಾಗ್, ನಟಿಯರ ಗ್ಲಾಮರ್ ಜೊತೆಗೆ ಸಸ್ಪೆನ್ಸ್, ಎಮೋಷನ್ ಸಹ ಇದೆ. ಎಲ್ಲದಕ್ಕಿಂತಲೂ ಮುಖ್ಯವಾಗಿ, ಅತ್ಯಂತ ಅದ್ಧೂರಿ ಮೇಕಿಂಗ್, ಕನ್ನಡ ಸಿನಿಮಾ ಪ್ರೇಮಿಗಳು ಊಹೆ ಸಹ ಮಾಡಿರದಂಥಹಾ ಪ್ರೊಡಕ್ಷನ್ ಮತ್ತು ಆಕ್ಷನ್ ಸಿನಿಮಾದ ಟ್ರೈಲರ್ನಲ್ಲಿವೆ.
ಈಗ ಬಿಡುಗಡೆ ಆಗಿರುವ ಟ್ರೈಲರ್ ನಲ್ಲಿ ‘ಟಾಕ್ಸಿಕ್’ ಸಿನಿಮಾದ ಬೃಹತ್ತತೆ, ಅದ್ಧೂರಿತನ ಮುಖ್ಯವಾಗಿ ಸೆಳೆಯುತ್ತದೆ. ಜೊತೆಗೆ ಹಲವು ವಿಷಯಗಳ ಬಗೆಗೆ ಕುತೂಹಲವನ್ನು ಸಹ ಸಿನಿಮಾ ಮೂಡಿಸುತ್ತಿದೆ. ವಿಶೇಷವಾಗಿ ನಾಯಕನ ವ್ಯಕ್ತಿತ್ವ, ನಾಯಕಿಯರೊಟ್ಟಿಗೆ ಅವನ ಸಂಬಂಧ, ಅವನ ಮಗನೊಟ್ಟಿಗೆ ಅವನ ಸಂಬಂಧ ಇನ್ನೂ ಅನೇಕ ವಿಷಯಗಳ ಬಗ್ಗೆ ಅನುಮಾನಗಳು ಮೂಡಿಸುತ್ತದೆ ಟ್ರೈಲರ್.
ಜಾಹೀರಾತು
ಜೊತೆಗೆ ಸುಳಿವುಗಳನ್ನು ಸಹ ‘ಟಾಕ್ಸಿಕ್’ ಟ್ರೈಲರ್ ಬಿಟ್ಟುಕೊಟ್ಟಿದೆ. ಸಿನಿಮಾನಲ್ಲಿ ಅಪ್ಪ-ಮಗನ ನಡುವಿನ ದ್ವೇಷದ ಕತೆ ಇದೆ. ಅಪ್ಪ-ಮಗ ಎರಡೂ ಪಾತ್ರಗಳಲ್ಲಿ ಯಶ್ ನಟಿಸಿದ್ದಾರೆ. ಕಿಯಾರಾ ಪುತ್ರನೇ ಟಿಕೆಟ್ ಆಗಿ ಮುಂದೆ ಅಪ್ಪನ ವಿರುದ್ಧ ಸೇಡು ತೀರಿಸಿಕೊಳ್ಳಲು ಮುಂದಾಗುತ್ತಾನೆ ಎಂಬ ಸುಳಿವನ್ನು ಟ್ರೈಲರ್ ನೀಡುತ್ತಿದೆ. ಜೊತೆಗೆ ರುಕ್ಮಿಣಿ ವಸಂತ್, ಯಶ್ ಅಥವಾ ರಾಯನ ಲವ್ ಇಂಟ್ರೆಸ್ಟ್ ಅಲ್ಲದೆ, ಆತನ ವಿಚಾರಣೆಗೆ ಬರುವ ಮಹಿಳೆಯ ಪಾತ್ರದಲ್ಲಿ ನಟಿಸಿದಂತಿದೆ. ಯಶ್ ನಿರ್ವಹಿಸಿರುವ ರಾಯನ ಪಾತ್ರಕ್ಕೆ ಮಹಿಳೆಯರ ಬಗ್ಗೆ ಗೌರವ ಇಲ್ಲ, ಮಹಿಳೆಯರನ್ನು ಅನುಭವಿಸುವುದೇ ಆತನ ಕೆಲಸ, ಆದರೆ ಇದರಿಂದ ಆತ ನೋವು ಕೊಡುವ ಮಹಿಳೆಯರು ಆತನ ವಿರುದ್ಧ ತಿರುಗಿ ಬೀಳುವ ಕತೆ ಸಹ ‘ಟಾಕ್ಸಿಕ್’ನಲ್ಲಿದೆ ಎಂಬ ಸುಳಿವನ್ನು ಟ್ರೈಲರ್ ನೀಡುತ್ತಿದೆ.
ಜಾಹೀರಾತು
‘ಟಾಕ್ಸಿಕ್’ ಸಿನಿಮಾನಲ್ಲಿ ಯಶ್ ದ್ವಿಪಾತ್ರದಲ್ಲಿ ನಟಿಸಿದ್ದಾರೆ. ಅವರ ಜೊತೆಗೆ ನಯನತಾರಾ. ಕಿಯಾರಾ ಅಡ್ವಾಣಿ, ರುಕ್ಮಿಣಿ ವಸಂತ್, ತಾರಾ ಸುತಾರಿಯಾ ಮತ್ತು ಹುಮಾ ಖುರೇಷಿ ಅವರುಗಳು ನಾಯಕಿಯರಾಗಿ ನಟಿಸಿದ್ದಾರೆ. ಸಿನಿಮಾವನ್ನು ಗೀತು ಮೋಹನ್ದಾಸ್ ನಿರ್ದೇಶನ ಮಾಡಿದ್ದು, ಸಿನಿಮಾಕ್ಕೆ ಯಶ್ ಹಾಗೂ ಕೆವಿಎನ್ನ ವೆಂಕಟ್ ಅವರು ಬಂಡವಾಳ ಹೂಡಿದ್ದಾರೆ. ಸಿನಿಮಾಕ್ಕೆ ರವಿ ಬಸ್ರೂರು ಸಂಗೀತ ನೀಡಿದ್ದಾರೆ. ರಾಷ್ಟ್ರಪ್ರಶಸ್ತಿ ವಿಜೇತ ರಾಜೀವ್ ರವಿ ಅವರು ಸಿನಿಮಾಟೊಗ್ರಾಫರ್. ಸಿನಿಮಾ ಆಗಸ್ಟ್ 26ಕ್ಕೆ ರಿಲೀಸ್ ಆಗಲಿದೆ.
