ಮೈಸೂರು: ಬೆಂಗಳೂರು-ಮೈಸೂರು ಎಕ್ಸ್‌ಪ್ರೆಸ್‌ ವೇನಲ್ಲಿ ಪೊಲೀಸರು ಎಚ್ಚರ ತಪ್ಪಿದರೂ, ದಿನದ 24 ಗಂಟೆಯೂ ಕ್ಯಾಮರಾಗಳು ವಾಚ್‌ ಮಾಡುತ್ತಿರುತ್ತವೆ. ಹಾಗಾಗಿ ವಾಹನ ಸವಾರರು ಎಚ್ಚರಿಕೆಯಿಂದ ಇರಬೇಕು ಎಂದು ಪೊಲೀಸ್‌ ತರಬೇತಿ ವಿಭಾಗದ ಹೆಚ್ಚುವರಿ ಪೊಲೀಸ್‌ ಮಹಾನಿರ್ದೇಶಕ (ಎಡಿಜಿಪಿ) ಆಲೋಕ್‌ ಕುಮಾರ್‌ ತಿಳಿಸಿದರು.
ನಗರದ ಜೆಎಸ್‌ಎಸ್‌ ಮೆಡಿಕಲ್‌ ಕಾಲೇಜಿನಲ್ಲಿಕರ್ನಾಟಕ ಪೊಲೀಸ್‌ ಅಕಾಡೆಮಿ ವತಿಯಿಂದ ಹೊಸ ಕ್ರಿಮಿನಲ್‌ ಕಾನೂನುಗಳ ಬಗ್ಗೆ ನಡೆದ ಉಪನ್ಯಾಸ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಜಾಹೀರಾತು
”ದ್ವಿಚಕ್ರ ವಾಹನ ಸವಾರರು ಕಡ್ಡಾಯವಾಗಿ ಹೆಲೈಟ್‌ ಧರಿಸಬೇಕು. ಅದು ನಿಮಗೆ ರಕ್ಷಣೆ ನೀಡಲಿದೆ. ನಗರದೆಲ್ಲೆಡೆ ಕ್ಯಾಮರಾಗಳಿದ್ದು, ಅಪಘಾತದಲ್ಲಿಪ್ರಾಣಾಪಾಯದಿಂದ ಪಾರಾಗಲು ಹೆಲೈಟ್‌ ಅವಶ್ಯ,” ಎಂದು ತಿಳಿಸಿದರು.
ಜಾಹೀರಾತು
‘ಭಾರತವನ್ನು ಸೂಪರ್‌ ಪವರ್‌ ರಾಷ್ಟ್ರವನ್ನಾಗಿಸುವ ನಿಟ್ಟಿನಲ್ಲಿಯೂ ಹೊಸ ಕ್ರಿಮಿನಲ್‌ ಕಾನೂನುಗಳು ಸಹಕಾರಿಯಾಗಿದ್ದು, ಬ್ರಿಟಿಷರ ಕಾಲದ ಭಾರತೀಯ ದಂಡ ಸಂಹಿತೆ, ಕ್ರಿಮಿನಲ್‌ ಪ್ರಕ್ರಿಯಾ ಸಂಹಿತೆ ಮತ್ತು ಭಾರತೀಯ ಸಾಕ್ಷ್ಯ ಕಾಯಿದೆಗಳನ್ನು ಬದಲಿಸಲಾಗಿದೆ. ಈಗಾಗಲೇ ಹೊಸ ಕ್ರಿಮಿನಲ್‌ ಕಾನೂನುಗಳು ಜಾರಿಯಲ್ಲಿದ್ದು, ಎಫ್‌ಐಆರ್‌ಗಳನ್ನು ಐಪಿಸಿ ಬದಲು ಬಿಎನ್‌ಎಸ್‌ ಅಡಿಯಲ್ಲಿದಾಖಲಿಸಲಾಗುತ್ತದೆ. ಹೊಸ ಕ್ರಿಮಿನಲ್‌ ಕಾನೂನುಗಳು ಭಾರತದ ಕ್ರಿಮಿನಲ್‌ ನ್ಯಾಯ ವ್ಯವಸ್ಥೆಯಲ್ಲಿಪರಿಣಾಮಕಾರಿ ಬದಲಾವಣೆಗಳನ್ನು ತರಲಿವೆ,” ಎಂದರು.
ಜಾಹೀರಾತು
ಆನ್‌ಲೈನ್‌ ಮೂಲಕ ದೂರು ದಾಖಲಿಸಿದ ವ್ಯಕ್ತಿ ಮೂರು ದಿನಗಳು ಅಥವಾ 72 ಗಂಟೆಯೊಳಗೆ ಠಾಣೆಗೆ ಹಾಜರಾಗಿ ಹೇಳಿಕೆ ನೀಡಬೇಕು. ಇಲ್ಲವಾದರೆ ದೂರನ್ನು ಪರಿಗಣಿಸುವುದಿಲ್ಲ. ಸುಳ್ಳು ದೂರುಗಳನ್ನು ಗಣನೆಗೆ ತೆಗೆದುಕೊಳ್ಳುವುದಿಲ್ಲ. ಹಾಗೆಯೇ ಮದುವೆಯಾಗುವುದಾಗಿ ವಂಚಿಸಿ, ಆರೋಪ ಸಾಬೀತಾದರೆ ಶಿಕ್ಷೆಯ ಪ್ರಮಾಣ 10 ವರ್ಷಗಳವರೆಗೆ ಇರಬಹುದು. ಸೈಬರ್‌ ಕ್ರೈಂಗಳಲ್ಲಿವಂಚನೆಗೊಳಗಾದರೆ ಮೊದಲು 1930 ಟೋಲ್‌ ಫ್ರೀ ನಂಬರ್‌ಗೆ ಕರೆ ದೂರು ನೀಡಿದ ನಂತರ ಠಾಣೆಗೆ ತೆರಳಿ ಮಾಹಿತಿ ನೀಡಿ. ಇದರಿಂದ ಕಳೆದುಕೊಂಡಿರುವ ಹಣ, ವಂಚಕರ ಕೈ ಸೇರದಂತೆ ತಡೆಯಬಹುದು,” ಎಂದು ತಿಳಿಸಿದರು.
ಜೆಎಸ್‌ಎಸ್‌ ಮೆಡಿಕಲ್‌ ಕಾಲೇಜು ಪ್ರಾಂಶುಪಾಲ ಡಾ.ಬಸವನ ಗೌಡಪ್ಪ, ಮೈಸೂರು ದಕ್ಷಿಣ ವಲಯ ಡಿಐಜಿಪಿ ಡಾ.ಬೋರಲಿಂಗಯ್ಯ, ಕರ್ನಾಟಕ ಪೊಲೀಸ್‌ ಅಕಾಡೆಮಿ (ಕೆಪಿಎ) ಮೈಸೂರು ನಿರ್ದೇಶಕಿ ಎಂ.ಎಸ್‌. ಗೀತಾ ಪ್ರಸನ್ನ, ಕಲಬುರಗಿ ಪೊಲೀಸ್‌ ಅಕಾಡೆಮಿ ನಿರ್ದೇಶಕ ಕಿಶೋರ್‌ ಬಾಬು, ಕೆಪಿಎ ಮೈಸೂರು ಉಪ ನಿರ್ದೇಶಕ ಎಸ್‌.ಎಲ….ಚೆನ್ನಬಸವಣ್ಣ, ಜೆಎಸ್‌ಎಸ್‌ ಮೆಡಿಕಲ್‌ ಕಾಲೇಜಿನ ಆಡಳಿತಾಧಿಕಾರಿ ಎಸ್‌.ಆರ್‌.ಸತೀಶ್‌ಚಂದ್ರ, ಉಪ ಪ್ರಾಂಶುಪಾಲರಾದ ಡಾ.ಎಂ.ಎನ್‌. ಸುಮ, ಡಾ.ಪ್ರವೀಣ್‌ ಕುಲಕರ್ಣಿ, ವಿಧಿವಿಜ್ಞಾನ ಔಷಧ ಅಧ್ಯಯನ ವಿಭಾಗದ ಮುಖ್ಯಸ್ಥ ಡಾ.ಎಚ್‌.ವಿ.ಚಂದ್ರಕಾಂತ್‌ ಮತ್ತಿತರರು ಉಪಸ್ಥಿತರಿದ್ದರು.
ಹೊಸ ಕಾನೂನುಗಳು ಆಧುನಿಕ ನ್ಯಾಯ ವ್ಯವಸ್ಥೆಯನ್ನು ಎತ್ತಿ ಹಿಡಿಯುತ್ತವೆ. ಶೂನ್ಯ ಎಫ್‌ಐಆರ್‌, ಆನ್‌ಲೈನ್‌ ಮೂಲಕ ದೂರುಗಳ ನೋಂದಣಿ. ಎಎಂಎಸ್‌ನಂತಹ ಎಲೆಕ್ಟ್ರಾನಿಕ್‌ ಮೋಡ್‌ಗಳ ಮೂಲಕ ಸಮನ್ಸ್‌ ಮತ್ತು ಎಲ್ಲಾ ಘೋರ ಅಪರಾಧಗಳಿಗೆ ಅಪರಾಧ ದೃಶ್ಯಗಳ ಕಡ್ಡಾಯ ವಿಡಿಯೋಗ್ರಫಿಯಂತಹ ನಿಬಂಧನೆಗಳನ್ನು ಹೊಸ ಕ್ರಿಮಿನಲ್‌ ಕಾನೂನುಗಳು ಒಳಗೊಂಡಿವೆ. ಶೂನ್ಯ ಎಫ್‌ಐಆರ್‌ ಪರಿಕಲ್ಪನೆಯಲ್ಲಿಸಂಜ್ಞೆಯ ಅಪರಾಧಗಳ ಸಂಬಂಧ ಮೊದಲು ದೂರು ದಾಖಲಿಸಿಕೊಂಡು ವಿಚಾರಣೆ ನಡೆಸಬೇಕು. ಪ್ರಕರಣ ಗಂಭೀರವಾದದ್ದು ಎಂದು ಕಂಡು ಬಂದರೆ ಎಫ್‌ಐಆರ್‌ ದಾಖಲಿಸಬೇಕಿದೆ ಎಂದು
