ಪುತ್ತೂರು: ನೀರ ಸೆಲೆಗಳ ರಕ್ಷಿಸೋಣ ಮಣ್ಣು ನಮ್ಮಆತ್ಮ ನದಿಗಳು, ಕೆರೆಗಳು, ತೋಡುಗಳು ಇವೆಲ್ಲವನ್ನೂ ಸೇರಿಸುವ ಸಮುದ್ರದಿಂದ ತುಂಬಿಕೊಂಡು,ಅಪಾರ ಜೀವ ವೈವಿಧ್ಯ ವನ್ನು ಒಳಗೊಂಡ ಪ್ರದೇಶ ದಕ್ಷಿಣ ಕನ್ನಡ ಜಿಲ್ಲೆ.ಆದರೆ ನಮ್ಮ ಜಿಲ್ಲೆ ಇಂದು ಬದಲಾಗುತ್ತಿದೆ; ತ್ವರಿತ ಗತಿಯಲ್ಲಿ ಬೆಳೆಯುತ್ತಿದೆ.
ಕೈಗಾರಿಕೆ ಹಾಗೂ ಜನ ಸಾಂದ್ರತೆಯಿಂದ ಆರ್ಥಿಕ ಸಾಮರ್ಥ್ಯ ಹೆಚ್ಚಾಗಿದೆ. ಇದು ಉತ್ತಮವಾದ ಸಂಗತಿಯಾದರೂ ಮೂಲ ಅಸ್ತಿತ್ವವಾದ ಜೀವ ವೈವಿಧ್ಯ ಅಸ್ತವ್ಯಸ್ತವಾಗುತ್ತಿದೆ.
ಕರಾವಳಿ ಜೋಡಿ ಜಿಲ್ಲೆಗಳಲ್ಲಿ ಸುಮಾರು 22 ನದಿಗಳು ಹರಿಯುತ್ತಿದ್ದರೂ ಬಿರುಬೇಸಿಗೆಯಲ್ಲಿ ಕುಡಿಯುವ ನೀರಿಗೆ ತತ್ವಾರ ಇದ್ದೇ ಇದೆ. ಅಭಿವೃದ್ಧಿ ಕರಾವಳಿ ಪಾಲಿಗೆ ದಿನೇ ದಿನೇ ಶಾಪವಾಗಿ ಪರಿಣಮಿಸುತ್ತಿದೆ. ಆರಂಭದಿಂದ ಮಳೆಗಾಲ ಮುಗಿಯುವವರೆಗೂ ಎಲ್ಲೆಡೆ ಕೆಂಪು ನೀರು ಹರಿಯುವ ತೊರೆ ತೋಡು ಹೊಳೆ ನದಿಗಳೇ ನಮಗೆ ಕಾಣಿಸುತ್ತಿವೆ. ಒಂದು ಕಡೆ ಕಡಲು, ಇನ್ನೊಂದು ಕಡೆ ಕಾಡು ಇದ್ದು,ಸುರಕ್ಷಿತ ವಲಯ ಎಂದು ನಾವು ಭಾವಿಸಿಕೊಂಡರೂ ಜನಸಂಖ್ಯೆಯ ಸಾಂದ್ರತೆ ಇಲ್ಲಿಯ ಜೀವಧಾರಣಾ ಶಕ್ತಿಗೆ ಪೆಟ್ಟು ಕೊಡುತ್ತಿದೆ. ಬಂದರು,ವಿಮಾನ ನಿಲ್ದಾಣ, ರೈಲು ನಿಲ್ದಾಣ,ಅತ್ಯುತ್ತಮ ಶಿಕ್ಷಣ ಕೇಂದ್ರಗಳು ಇಲ್ಲಿವೆ ಎನ್ನುವ ಕಾರಣ ಧನಾತ್ಮಕವೇ ಆದರೂ ಜನಾಕರ್ಷಣೆ ಇಲ್ಲಿಯ ಭೌಗೋಳಿಕ ಸ್ವಾಭಾವಿಕ ನೆಲಶಕ್ತಿಯ ಮೇಲೆ ಒತ್ತಡವಾಗಿ ಪರಿಣಮಿಸುತ್ತಿದೆ. ಪರಿಣಾಮ ನೆಲ ಜಲ ಮಣ್ಣು ಎಲ್ಲವೂ ಮಲಿನಗೊಳ್ಳುತ್ತಿದೆ.
ಇದು ಸಮಗ್ರ ಜೀವ ಶೃಂಖಲೆಯ ಕೊಂಡಿಯ ಸಂಬಂಧವನ್ನು ತಪ್ಪಿಸಿ,ಪರಿಸರ ಅಸಮತೋಲನಕ್ಕೆ ಕಾರಣವಾಗುತ್ತಿದೆ.
ತ್ವರಿತ ವೇಗದಲ್ಲಿ ನೀರಿಗೆ ಮತ್ತು ಮಣ್ಣಿಗೆ ಅಪಾರ ಪ್ರಮಾಣದ ತ್ಯಾಜ್ಯವು ನಿರಂತರವಾಗಿ ಸೇರಿಕೊಳ್ಳುತ್ತಿದೆ.
ಇದರಿಂದಾಗಿ ನೀರಿನ ಸೆಲೆಗಳಾದ ತೋಡು, ಕೆರೆ, ನದಿ ಮತ್ತು ಸಮುದ್ರ ಮತ್ತು ಫಲವತ್ತಾದ ಮಣ್ಣೂ ಕೂಡಾ ಮಲಿನಗೊಳ್ಳುತ್ತಿದೆ.
ನಮಗೆ ಸಿಕ್ಕಿದ ಭೂಮಿಯನ್ನು ಅದರ ಸಂಪನ್ಮೂಲವನ್ನು ರಕ್ಷಿಸಿ, ನಮ್ಮ ಮುಂದಿನ ತಲೆಮಾರಿಗೆ ಸಂಪದ್ಭರಿತವಾಗಿಯೇ ವರ್ಗಾಯಿಸಿವುದು ನಮ್ನೆಲ್ಲರ ಆದ್ಯ ಕರ್ತವ್ಯ.
ನೀರ ಸೆಲೆ ಮತ್ತು ಮಣ್ಣು ಫಲವತ್ತತೆಯನ್ನು ಕಳೆದು ಕೊಳ್ಳುತ್ತಿರುವುದು
ಗಂಭೀರ ಸಮಸ್ಯೆಯಾಗಿದ್ದು, ನಮ್ಮ ಮೂಲಭೂತ ಅಸ್ತಿತ್ವವನ್ನೇ ಅಲುಗಾಡಿಸುವಂತದ್ದಾಗಿರುತ್ತದೆ.
ಈ ಕುರಿತು ನಿರಂತರ ಮತ್ತು ಸಮಗ್ರ ಜಾಗೃತಿಯ ಅಗತ್ಯವಿದೆ.ಈ ಅಗತ್ಯ ಕಾರ್ಯವನ್ನು ಕೈಗೊಳ್ಳಲು
* Green Impact Foundation* ಎಂಬ ಸಂಸ್ಥೆ ಮುಂದಾಗಿದೆ.
ನಮ್ಮ ನೀರ ಸೆಲೆ ರಕ್ಷಿಸೋಣ Save our water bodies ಮತ್ತು Soil is our Soul ,*ಮಣ್ಣು ನಮ್ಮಆತ್ಮ ಎಂಬ ಪರಿಕಲ್ಪನೆಯಲ್ಲಿ ಈ ಜಾಗೃತಿ ಕಾರ್ಯಕ್ರಮ ನಡೆಯಲಿದೆ.
ಮುಖ್ಯವಾಗಿ ದಕ್ಷಿಣ ಕನ್ನಡ ಜಿಲ್ಲೆಯ ನೀರ ಸೆಲೆಗಳ ಅಧ್ಯಯನ, ತ್ಯಾಜ್ಯ ವಿಲೇವಾರಿ ಜಾಗೃತಿ, ಮಣ್ಣಿನ ವೈಜ್ಞಾನಿಕ ಅಧ್ಯಯನ, ಮಣ್ಣಿನ ಕುರಿತಾದ ಜಾಗೃತಿ, ಜಲಾನಯನ ವೈವಿಧ್ಯತೆಯ ಕುರಿತು ಅಧ್ಯಯನ ಇತ್ಯಾದಿ ಕಾರ್ಯ ಚಟುಚಟಿಕೆಗಳು ಜರಗಲಿದೆ.
ಜಿಲ್ಲಾಡಳಿತ,ಎನ್ ಎಸ್,ಎಸ್ ಸ್ವಯಂ ಸೇವಕರು, ಎನ್ ಸಿ ಸಿ, ಸಾಮಾಜಿಕ ಸಂಘ ಸಂಸ್ಥೆಗಳು , ಪರಿಸರ ಸಂಘಗಳು,ಶಿಕ್ಷಣ ಸಂಸ್ಥೆಗಳ ಜತೆಗೂಡಿ ಈ ಕಾರ್ಯಕ್ರಮ ಜರಗಲಿದೆ.
ಈ ಯೋಜನೆಯಲ್ಲಿ ಸಲಹೆಗಾರರಾಗಿ ಡಾ. ನರೇಂದ್ರ ರೈ ದೇರ್ಲ, ಡಾ.ಶ್ರೀಶ ಕುಮಾರ್, ಮಹೇಶ್ ಪುಣ್ಚಪ್ಪಾಡಿ, ಕಾನೂನು ಸಲಹೆಗಾರರಾಗಿ ಕೃಷ್ಣ ಪ್ರಸಾದ್ ನಡ್ಸಾರ್ ಇರುತ್ತಾರೆ ಎಂದು ಯೋಜನೆಯ ರೂವಾರಿ ಹಾಗೂ ಗ್ರೀನ್ ಇಂಪಾಕ್ಟ್ ಫೌಂಡೇಶನ್ ಸಂಸ್ಥೆಯ ಅಧ್ಯಕ್ಷರಾದ ಡಾ. ರಾಜೇಶ್ ಬೆಜ್ಜಂಗಳ ಪತ್ರಿಕಾ ಗೋಷ್ಠಿ ಯಲ್ಲಿ ತಿಳಿಸಿರುತ್ತಾರೆ.
ಜಾಹೀರಾತು
ಜಾಹೀರಾತು
ಜಾಹೀರಾತು
ಜಾಹೀರಾತು
