ಪುತ್ತೂರು: ವಿಟ್ಲ ಪಟ್ಟಣ ಪಂಚಾಯತ್ ವ್ಯಾಪ್ತಿಗೆ ಕುಡಿಯುವ ನೀರು ಸರಬರಾಜು ಮಾಡಲು ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆ ವತಿಯಿಂದ ಅನುಷ್ಠಾನಗೊಳ್ಳುತ್ತಿರುವ ಬಂಟ್ವಾಳ ಮತ್ತು ಪುತ್ತೂರು ತಾಲೂಕಿನ “ಬಹುಗ್ರಾಮ ಅಳಿಕೆ ಮತ್ತು ಇತರೆ 442 ಜನವಸತಿಗಳಿಗೆ ಕುಡಿಯುವ ನೀರು ಸರಬರಾಜು ಯೋಜನೆಗೆ 110 ಕೋಟಿ ಅನುದಾನ ಮಂಜೂರು ಮಾಡುವಂತೆ ನಗರಾಭಿವೃದ್ದಿ ಸಚಿವ ಯತೀಂದ್ರ ಸಿದ್ದರಾಮಯ್ಯ ಅವರಿಗೆ ಶಾಸಕ ಅಶೋಕ್ ರೈ ಮನವಿ ಸಲ್ಲಿಸಿದ್ದಾರೆ.
ಗುರುವಾರ ಸಚಿವರನ್ನು ಭೇಟಿಯಾದ ಶಾಸಕರು“ ವಿಟ್ಲ ಪಟ್ಟಣ ಪಂಚಾಯತ್ ವ್ಯಾಪ್ತಿಯಲ್ಲಿ ಸುಗಟು ನೀರು ಸರಬರಾಜು ಮಾತ್ರ ಸೇರಿದ್ದು, ವಿತರಣಾ ವ್ಯವಸ್ಥೆ ಸೇರುವುದಿಲ್ಲ. ಅದರಂತೆ, ವಿಟ್ಲ ಪಟ್ಟಣ ಪಂಚಾಯತ್ ವ್ಯಾಪ್ತಿಯಲ್ಲಿ ವಿತರಣಾ ಜಾಲ ಅಳವಡಿಸುವ ವಿಸ್ತ್ರತ ಯೋಜನಾ ವರದಿ ತಯಾರಿಸುವ ಬಗ್ಗೆ ಕ.ನ.ನೀ.ಸ ಮತ್ತು ಒ.ಚ ಮಂಡಳಿ ವತಿಯಿಂದ ಸರ್ವೆ ಕಾರ್ಯ ಕೈಗೊಂಡು ವಿನ್ಯಾಸ ಮತ್ತು ನಕ್ಷೆ ತಯಾರಿಸಿ ವಿಟ್ಲ ಪಟ್ಟಣ ಪಂಚಾಯತ್ ವ್ಯಾಪ್ತಿಯಲ್ಲಿ ಮುಂದಿನ 30 ವರ್ಷಗಳಿಗೆ ಅಂದಾಜಿಸಲಾಗಿರುವ ಒಟ್ಟು ಜನ ಸಂಖ್ಯೆ ೨೭೫೦೦ಕ್ಕೆ ಭವಿಷ್ಯದ ನೀರಿನ ಬೇಡಿಕೆಯು ಒಟ್ಟು 4.82 ಎಂ ಎಲ್ ಡಿ ಇರುತ್ತದೆ ಎಂದು ವರದಿ ನೀಡಿರುತ್ತಾರೆ.
ಬಹುಗ್ರಾಮ ಕುಡಿಯುವ ನೀರಿನ ಯೋಜನೆಯಲ್ಲಿ ವಿಟ್ಲ ಪಟ್ಟಣ ಪಂಚಾಯತ್ಗೆ 2.40 ಒಐಆ ಸಗಟು ನೀರನ್ನು ಸರಬರಾಜು ಮಾಡಲು ಅವಕಾಶ ಕಲ್ಪಿಸಿದ್ದು, ಕ.ನ.ನೀ.ಸ ಮತ್ತು ಒ.ಚ ಮಂಡಳಿಯ ಲೆಕ್ಕಾಚಾರದಂತೆ ಹೆಚ್ಚುವರಿಯಾಗಿ ಬೇಕಾಗಿರುವ 1.42 ಎಂ ಎಲ್ ಡಿ ಸಗಟು ನೀರನ್ನು ಮುಂದಿನ ದಿನಗಳಲ್ಲಿ ನೀಡಲು ಅಗತ್ಯ ಕ್ರಮಕೈಗೊಳ್ಳಲಾಗುವುದೆಂದು ಕಾರ್ಯ ನಿರ್ವಾಹಕ ಇಂಜಿನಿಯರ್ ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆ ದಕ್ಷಿಣ ಕನ್ನಡ ಮಂಗಳೂರು ವಿಭಾಗ ಇವರು ತಿಳಿಸಿರುವುದರಿಂದ ಕ.ನ.ನೀ.ಸ ಮತ್ತು ಒ.ಚಿ ಮಂಡಳಿಯವರು ತಯಾರಿಸಿ ಅಂತಿಮ ಗೊಳಿಸಿರುತ್ತಾರೆ
ಅದರಂತೆ ತಯಾರಿಸಲಾಗರುವ ಅಂದಾಜು ಪಟ್ಟಿಯಲ್ಲಿ ವಿಟ್ಲ ಪಟ್ಟಣ ಪಂಚಾಯತ್ ಅನ್ನು ವಲಯಗಳಾಗಿ ವಿಂಗಡಿಸಿ ವಲಯ ೧ ಕ್ಕೆ ವಿಟ್ಲ ಪ್ರವಾಸಿ ಮಂದಿರದ ಬಳಿ ಹಾಲಿ ಇರುವ ೫.೦೦ ಲಕ್ಷ ಲೀ ಸಾಮರ್ಥ್ಯದ ಮೇಲ್ಮಟ್ಟದ ಜಲ ಸಂಗ್ರಹಾಗಾರವನ್ನು ಬಳಕೆ ಮಾಡಿಕೊಳ್ಳಲು ವಲಯ ೨ಕ್ಕೆ ನೆಕ್ಕರೆ ಕಾಡು ಪ್ರದೇಶದಲ್ಲಿ ಈಗಾಗಲೇ ಗ್ರಾಕು.ನೀ ಮತ್ತು ನೈ ಇಲಾಖೆ ವತಿಯಿಂದ ನಿರ್ಮಾಣಗೊಳ್ಳುತ್ತಿರುವ ೩.೧೦ ಲಕ್ಷ ಲೀ ಸಾಮರ್ಥ್ಯದ ಮೇಲ್ಮಟ್ಟದ ಜಲ ಸಂಗ್ರಹಾಗಾರವನ್ನು ಬಳಕೆ ಮಾಡಿಕೊಳ್ಳಲು ಯೋಜಿಸಲಾಗಿದೆ. ವಲಯ ೩ಕ್ಕೆ ಹೊಸದಾಗಿ 15 ಲಕ್ಷ ಲೀ ಸಾಮರ್ಥ್ಯದ ನೆಲ ಜಲ ಸಂಗ್ರಹಾಗಾರವನ್ನು ನಿರ್ಮಾಣ ಮಾಡಲು ಯೋಜಿಸಲಾಗಿದೆ. ಸದರಿ ಅಂದಾಜಿನಲ್ಲಿ 154.೦೦ ಕಿ.ಮೀ ಉದ್ದದ ವಿತರಣಾ ಕೊಳವೆ ಮತ್ತು 2.30 ಕಿ.ಮೀ ಫೀಡರ್ ಲೈನ್ ಮತ್ತು 6782 ಸಂಖ್ಯೆ ಗ್ರಹ ಸಂಪರ್ಕಗಳು, 5 ವರ್ಷ ಕಾರ್ಯ ಮತ್ತು ನಿರ್ವಹಣೆಗೆ ಆನ್ ಲೈನ್ ಮೊನಿಟರಿಂಗ್ ಸಿಸ್ಟಂಗೆ ಅನುವು ಮಾಡಿ, ಸದರ ಅಂದಾಜಿನಲ್ಲಿ ಟೆಂಡರ್ ಪ್ರೀಮಿಯಂ, ದರ ಹೊಂದಾಣಿಕೆ, ಇಟಿಪಿ ಹಾಗೂ ಕಂಟಿಂಜೆನ್ಸಿ, ಇತರೆ ಇಲಾಖೆಗಳಿಂದ ಅನುಮತಿಗಾಗಿ ಸಂಬಂಧಿಸಿದ ಇಲಾಖೆಗೆ ಭರಿಸಬೇಕಾದ ಮೊತ್ತ ಒಳಗೊಂಡಂತೆ ರೂ.101 ಕೋಟಿಗಳ ಅಂದಾಜು ಪಟ್ಟಿಯನ್ನು ತಯಾರಿಸಿ ಸದರಿ ಅಂದಾಜುಪಟ್ಟಿಯನ್ನು ತಯಾರಿಸಲಾಗರುತ್ತದೆ.
ಜಾಹೀರಾತು
ಜಾಹೀರಾತು
ಹಿನ್ನಲೆಯಲ್ಲಿ ವಿಟ್ಲ ಪಟ್ಟಣ ಪಂಚಾಯತ್ ವ್ಯಾಪ್ತಿಯಲ್ಲಿ ಕುಡಿಯುವ ವಿತರಣಾ ಜಾಲ ಅಳವಡಿಸಲು ತಯಾರಿಸಲಾಗಿರುವ ವಿಸ್ತ್ರತ ಯೋಜನಾ ವರದಿಯಂತೆ ರೂ 101 ಕೊಟಿ ಮೊತ್ತಕ್ಕೆ ಮಂಜೂರಾತಿ ನೀಡಿ ಅನುದಾನ ಬಿಡುಗಡೆ ಮಾಡುವಂತೆ ಇಲಾಖೆಗೆ ಶೀಫಾರಸ್ಸು ಮಾಡುವಂತೆ ಸಚಿವರಿಗೆ ಮನವಿ ಮಾಡಲಾಗಿದೆ.
ಜಾಹೀರಾತು
