ಆಂಧ್ರ ಪ್ರದೇಶದ ಗುಂಟೂರು ಲೋಕಸಭಾ ಕ್ಷೇತ್ರದಿಂದ ತೆಲುಗು ದೇಶಂ ಪಕ್ಷ (ಟಿಡಿಪಿ)ದ ಅಭ್ಯರ್ಥಿಯಾಗಿ ಸ್ಪರ್ಧಿಸಿರುವ ಡಾ ಚಂದ್ರಶೇಖರ್ ಪೆಮ್ಮಸಾನಿ ಬರೋಬ್ಬರಿ 5,705 ಕೋಟಿ ರೂ. ಆಸ್ತಿ ಘೋಷಿಸಿಕೊಂಡಿದ್ದಾರೆ. ಇವರು ನಾಲ್ಕನೇ ಹಂತದ ಲೋಕಸಭೆ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿರುವ ಸಿರಿವಂತ ಅಭ್ಯರ್ಥಿಯಾಗಿದ್ದು, ಈವರೆಗೆ ನಡೆದ ಎಲ್ಲಾ ಹಂತಗಳ ಅಭ್ಯರ್ಥಿಗಳಿಗೆ ಹೋಲಿಸಿದರೂ ಅತ್ಯಂತ ಶ್ರೀಮಂತರಾಗಿದ್ದಾರೆ.
ಜಾಹೀರಾತು
ಅವರು ಸಲ್ಲಿಸಿರುವ ಅಫಿಡವಿಟ್ ಪ್ರಕಾರ ಒಟ್ಟು 5,598 ಕೋಟಿ ರೂ. ಚರಾಸ್ತಿ ಹಾಗೂ 106 ಕೋಟಿ ರೂ. ಮೌಲ್ಯದ ಸ್ಥಿರಾಸ್ತಿಗಳನ್ನು ಚಂದ್ರಶೇಖರ್ ಪೆಮ್ಮಸಾನಿ ಹೊಂದಿದ್ದಾರೆ.
ಜಾಹೀರಾತು
ಡಾ. ಚಂದ್ರಶೇಖರ್ ಪೆಮ್ಮಸಾನಿ ಅವರು ವೃತ್ತಿಯಲ್ಲಿ ವೈದ್ಯರಾಗಿದ್ದು, ಅವರು 1999ರಲ್ಲಿ ಎನ್‌ಟಿಆರ್ ಯೂನಿವರ್ಸಿಟಿ ಆಫ್ ಹೆಲ್ತ್ ಸೈನ್ಸಸ್ ವಿಜಯವಾಡದಲ್ಲಿ ತಮ್ಮ ಎಂಬಿಬಿಎಸ್‌ ಮುಗಿಸಿದ್ದರು. ನಂತರ 2005ರಲ್ಲಿ ಪೆನ್ಸಿಲ್ವೇನಿಯಾದ ಡ್ಯಾನ್‌ವಿಲ್ಲೆಯಲ್ಲಿರುವ ಗೀಸಿಂಗರ್ ಮೆಡಿಕಲ್‌ ಸೆಂಟರ್‌ನಿಂದ ಎಂಡಿ (ಇಂಟರ್ನಲ್ ಮೆಡಿಸಿನ್) ಪದವಿ ಪಡೆದಿದ್ದರು.
ಜಾಹೀರಾತು
ಅವರ ಅಫಿಡವಿಟ್ ಪ್ರಕಾರ ಚಂದ್ರಶೇಖರ್ ಪೆಮ್ಮಸಾನಿ ಅವರು ಅಮೆರಿಕದ ದೈತ್ಯ ಕಂಪನಿಗಳಾದ ಮೈಕ್ರೋಸಾಫ್ಟ್ ಕಾರ್ಪ್, ಕೋಕಾ ಕೋಲಾ ಕೋ, ಉಬರ್ ಟೆಕ್ನಾಲಜೀಸ್, ಆಪಲ್ ಇಂಕ್ ಮುಂತಾದ 100ಕ್ಕೂ ಹೆಚ್ಚು ಕಂಪನಿಗಳಲ್ಲಿ ಹೂಡಿಕೆಗಳನ್ನು ಹೊಂದಿದ್ದಾರೆ. ಜೆಪಿ ಮಾರ್ಗನ್‌ ಚೇಸ್‌ ಮೂಲಕ ಪತಿ-ಪತ್ನಿ ಈ ಹೂಡಿಕೆ ಮಾಡಿದ್ದು, ಇಬ್ಬರ ಹೂಡಿಕೆಯ ಒಟ್ಟು ಮೌಲ್ಯಾ ತಲಾ 1,201 ಕೋಟಿ ರೂ. ಆಗಿದೆ.
ಇನ್ನು ವಿವಿಧ ಬಾಂಡ್‌ಗಳಲ್ಲಿಯೂ ದಂಪತಿ ಹತ್ತಾರು, ನೂರಾರು ಕೋಟಿ ರೂ. ಹಣ ಹೂಡಿಕೆ ಮಾಡಿದ್ದಾರೆ. ಹೀಗೆ ಷೇರು, ಬಾಂಡ್‌ ಸೇರಿದಂತೆ ದಂಪತಿ ತಲಾ 2,281 ಕೋಟಿ ರೂ. ಮೌಲ್ಯದ ಚರಾಸ್ತಿಗಳನ್ನು ಹೊಂದಿದ್ದಾರೆ. ಇವರ ಮಕ್ಕಳಿಬ್ಬರ ಹೆಸರಲ್ಲಿಯೂ ತಲಾ 493 ಕೋಟಿ ರೂ. ಮೌಲ್ಯದ ಚರಾಸ್ತಿ ಇದೆ.ಮರ್ಸಿಡೆಸ್‌ ಬೆನ್ಜ್‌ ಮೇಬ್ಯಾಚ್‌, ರೋಲ್ಸ್‌ರಾಯ್ಸ್‌ ಗೋಸ್ಟ್‌ ಸೇರಿದಂತೆ ದುಬಾರಿ ಕಾರುಗಳನ್ನೂ ಇವರು ಹೊಂದಿದ್ದಾರೆ. ಆಂಧ್ರ ಪ್ರದೇಶದಲ್ಲಿ ಕೃಷಿ ಭೂಮಿ, ಕೃಷಿಯೇತರ ಭೂಮಿ, ವಾಣಿಜ್ಯ ಸಂಕೀರ್ಣ, ಮನೆ ಎಲ್ಲವೂ ಇದೆ. ಅಮೆರಿಕದಲ್ಲೂ ಕೃಷಿಯೇತರ ಭೂಮಿ ಹಾಗೂ ಮನೆ ಹೊಂದಿದ್ದಾರೆ. 2022ರಲ್ಲಿ ಅಮೆರಿಕದಲ್ಲಿ ಸಲ್ಲಿಸಿದ ಆದಾಯ ತೆರಿಗೆ ರಿಟರ್ನ್ಸ್‌ ಪ್ರಕಾರ ಇವರು ಹಾಗೂ ಇವರ ಪತ್ನಿಯ ವಾರ್ಷಿಕ ಆದಾಯವೇ ತಲಾ 605.57 ಕೋಟಿ ರೂ. ಆಗಿದೆ.
ಚಂದ್ರಶೇಖರ್ ಪೆಮ್ಮಸಾನಿ ಅವರು ಸಲ್ಲಿಸಿದ ಅಫಿಡವಿಟ್ ಪ್ರಕಾರ, ಟಿಡಿಪಿ ಅಭ್ಯರ್ಥಿಯು 1,038 ಕೋಟಿ ರೂ.ಗಳಷ್ಟು ಸಾಲವನ್ನೂ ಹೊಂದಿದ್ದಾರೆ.
