ಜಿಟಿ ಜಿಟಿ ಮಳೆಯ ಜೊತೆಗೆ ಚುಮು ಚುಮು ಚಳಿಯಲ್ಲಿ ಒಂದು ರೌಂಡ್ ಸುತ್ತಾಟ ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ. ಕೆಲಸಕೊಂದು ನೆಪ ಹೇಳಿ ರಜೆ ಹಾಕಿ ಗೆಳೆಯರೆಲ್ಲ ಸೇರಿ ಟ್ರೀಪ್ ಮಾಡುವ ಮಜವೇ ಬೇರೆ. ಅದರಂತೆ ಇತ್ತೀಚಿನ ದಿನಗಳಲ್ಲಿ ಈ ರಿಲ್ಸ್ ವಿಡಿಯೋ ಪೋಟೋ ಶೂಟ್ ಹುಚ್ಚಾಟ ಹೆಚ್ಚಾಗಿದೆ.
ಜಾಹೀರಾತು
ಬೇರೆ ಬೇರೆ ಪ್ರವಾಸಿ ತಾಣಗಳು ಇಂದು ಗೂಗಲ್ ಮೂಲಕ ನಮಗೆ ತಿಳಿಯುತ್ತದೆ. ಯಾವ ಪ್ರವಾಸ ಮೋಜು ಮಸ್ತಿಗಳಿದ್ದರು ಜಾಗರೂಕತೆ ಅತೀ ಮುಖ್ಯ. ಅದರಂತೆ ಚಾರ್ಮಾಡಿ ನಿಷೇಧಿತ ಪ್ರದೇಶದಲ್ಲಿ ಬಂಡೆ ಹತ್ತಿ ಪ್ರವಾಸಿಗರು ಹುಚ್ಚಾಟ ನಡೆಸುತ್ತಿದ್ದರು. ಆ ಪ್ರದೇಶಕ್ಕೆ ಹೋಗದಂತೆ ಪೊಲೀಸರು ಎಷ್ಟು ವಾರ್ನಿಂಗ್ ನೀಡಿದರೂ ಪ್ರವಾಸಿಗರು ಮತ್ತೆ ಮತ್ತೆ ಇಲ್ಲಿ ಹುಚ್ಚಾಟ ಮಾಡುತ್ತಲೇ ಇದ್ದಾರೆ.
ಹೀಗಾಗಿ ಜಲಪಾತದ ಬಳಿ ಸ್ನಾನ ಮಾಡುತ್ತಿದ್ದ ಪ್ರವಾಸಿಗರಿಗೆ ಪೊಲೀಸರು ವಾರ್ನಿಂಗ್ ನೀಡಿದರು ಕ್ಯಾರೆ ಎನ್ನದಾಗ ಬಿಸಿ ಮುಟ್ಟಿಸಲು ಅವರ ಬಟ್ಟೆಗಳನ್ನು ಎತ್ತಿಕೊಂಡು ಹೋಗಿ ತಮ್ಮ ಗಸ್ತು ವಾಹನಕ್ಕೆ ತುಂಬಿದ್ದಾರೆ.
ಜಾಹೀರಾತು
ಸಾಂದರ್ಭಿಕ ಚಿತ್ರ: gunakar
ಆರಂಭದಲ್ಲಿ ಪೊಲೀಸರ ಹಿಂದೆ ಬರೀ ಚಡ್ಡಿಯಲ್ಲೇ ಓಡಾಡಿದ ಪ್ರವಾಸಿಗರು ಸರ್… ಸರ್… ಬಟ್ಟೆಕೊಡಿ ಎಂದು ಬೇಡಿಕೊಂಡು ಕ್ಷಮೆ ಕೇಳಿದ್ದಾರೆ. ಆದರೆ ಪೊಲೀಸರು ಸತಾಯಿಸಿದಾಗ ಕೋಪಗೊಂಡು ಪೊಲೀಸರ ಜೊತೆಯೇ ಜಗಳಕ್ಕೆ ನಿಂತಿದ್ದಾರೆ. ಈ ವೇಳೆ ಪೊಲೀಸರು ಬಟ್ಟೆ ಕೊಡಲು ಸಾಧ್ಯವಿಲ್ಲ ಎಂದು ನೇರವಾಗಿ ಹೇಳಿದ್ದು, ಪೊಲೀಸರಿಗೆ ಆವಾಜ್ ಹಾಕಿದ್ದ ಪ್ರವಾಸಿಗ ಯುವಕರು ಬಟ್ಟೆ ಇಲ್ಲದೇ ಪೇಚಿಗೆ ಸಿಲುಕಿದ್ದಾರೆ.
ಸ್ವಲ್ಪ ಹೊತ್ತಿನ ನಂತರ ಖಡಕ್ ವಾರ್ನಿಂಗ್ ನೀಡಿದ ಪೊಲೀಸರು ಬಟ್ಟೆ ಕೊಟ್ಟು ಪ್ರವಾಸಿಗರನ್ನು ಸ್ಥಳದಿಂದ ಕಳುಹಿಸಿದ್ದಾರೆ. ಬಣಕಲ್ ಗಸ್ತು ಪೊಲೀಸರು ಚಾರ್ಮಾಡಿಯಲ್ಲಿ ಕಾರ್ಯಾಚರಣೆ ನಡೆಸುತ್ತಿದ್ದು ನಿಷೇಧಿತ ಪ್ರದೇಶದಲ್ಲಿ ಓಡಾಡುತ್ತಿರುವ ಯುವಕರಿಗೆ ಬಿಸಿಮುಟ್ಟಿಸುತ್ತಿದ್ದಾರೆ.
ಪೋಲಿಸರು ತಮ್ಮ ಕರ್ತವ್ಯ, ಜವಾಬ್ದಾರಿ ಜೊತೆಗೆ ಸಾರ್ವಜನಿಕರ ರಕ್ಷಣೆಯಲ್ಲಿ ತೊಡಗಿಸಿಕೊಂಡಿದ್ದರೆ. ಆದರೆ ಪ್ರವಾಸಿಗರು ಮೋಜು ಮಸ್ತಿಯ ಮಧ್ಯೆ ಎಚ್ಚರಿಕೆಯನ್ನು ಮರೆತಿರುತ್ತರೆ. ಯಾರೆ ಪ್ರವಾಸಿಗರು ಬರಲಿ ತಮ್ಮ ಜಾಗರೂಕತೆಯಿಂದ ಇರಲಿ ಮತ್ತು ಪೋಲಿಸರ ನಿರ್ದೇಶನ ಪಾಲಿಸಲಿ ಎಂಬುದಾಗಿ ಪೊಲೀಸರು ತಿಳಿಸಿದ್ದಾರೆ.
