‘ಟಾಕ್ಸಿಕ್’ ಸಿನಿಮಾದ ಮೇಲೆ ಸಿನಿಮಾ ಪ್ರೇಮಿಗಳು ಕಣ್ಣು ನೆಟ್ಟಿದೆ ಚಿತ್ರದ ಕಥೆ ಹಳೆಯ ಕಾಲದ ಗೋವಾ ಹಿನ್ನೆಲೆಯಲ್ಲಿದ್ದು, ಅಪರಾಧ ಜಗತ್ತು, ಕಳ್ಳಸಾಗಣೆ ಮತ್ತು ಅಧಿಕಾರದ ಹೋರಾಟದ ಸುತ್ತ ಸಾಗುತ್ತದೆ. ರಾಯ ಈ ಜಗತ್ತಿನ ಕೇಂದ್ರ ಪಾತ್ರವಾಗಿರುತ್ತಾರೆ. ಸಿನಿಮಾದ ಬಿಡುಗಡೆಗಾಗಿ ದೇಶ, ವಿದೇಶಗಳ ಸಿನಿಮಾ ಪ್ರೇಮಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಇತ್ತೀಚೆಗಷ್ಟೆ ಸಿನಿಮಾದ ಬಿಡುಗಡೆ ದಿನಾಂಕ ಘೋಷಣೆ ಮಾಡಲಾಗಿದೆ. ಈ ವರೆಗೆ ಬಿಡುಗಡೆ ಆಗಿರುವ ಸಿನಿಮಾದ ಪೋಸ್ಟರ್, ಟೀಸರ್ಗಳು ಸಾಕಷ್ಟು ಗಮನ ಸೆಳೆದಿವೆ, ಸಿನಿಮಾದ ಬಗ್ಗೆ ಕುತೂಹಲ ಮೂಡಿಸಿವೆ. ಇದೀಗ ಯಶ್ ಅವರು ಸಿನಿಮಾನಲ್ಲಿ ನಟಿಸಿರುವ ಐವರು ನಾಯಕಿಯರ ವಿಶೇಷ ಟೀಸರ್ ಅನ್ನು ಬಿಡುಗಡೆ ಮಾಡಿದ್ದಾರೆ. ಯಶ್ ಅವರಂತೆಯೇ ಸಿನಿಮಾದ ನಾಯಕಿಯರ ಪಾತ್ರಗಳು ಸಹ ಬಲು ಪವರ್ಫುಲ್ ಆಗಿವೆ.
ಜಾಹೀರಾತು
ಇಂದು (ಜುಲೈ 1) ‘ಟಾಕ್ಸಿಕ್’ ಸಿನಿಮಾದ ಹೊಸ ಟೀಸರ್ ಬಿಡುಗಡೆ ಆಗಿದ್ದು, ಟೀಸರ್ನ ಆರಂಭದಲ್ಲಿಯೇ ಎಚ್ಚರಿಕೆಯನ್ನು ಸಹ ಚಿತ್ರತಂಡ ನೀಡಿದೆ. ಮಕ್ಕಳು ಈ ಟೀಸರ್ ನೋಡಬೇಡಿ, ಮಕ್ಕಳಿಗೆ ಈ ಟೀಸರ್ ತೋರಿಸಬೇಡಿ ಎಂದು ಪೋಷಕರಿಗೆ, ವಯಸ್ಸಾದವರು ನಿಮ್ಮ ರಿಸ್ಕ್ನಲ್ಲಿ ನೋಡಿ ಎಂಬ ಎಚ್ಚರಿಕೆಯನ್ನು ಟೀಸರ್ ನ ಆರಂಭದಲ್ಲಿಯೇ ನೀಡಲಾಗಿದೆ. ಈಗ ಬಿಡುಗಡೆ ಆಗಿರುವ ಟೀಸರ್ನಲ್ಲಿ ಸಿನಿಮಾನಲ್ಲಿ ನಟಿಸಿರುವ ನಾಯಕಿಯರ ಪಾತ್ರಗಳ ಝಲಕ್ ತೋರಿಸಲಾಗಿದೆ. ಕಿಯಾರಾ ಅಡ್ವಾಣಿಯ ಸೌಂದರ್ಯ, ನಯನತಾರಾ ಅವರ ಸಾಹಸ, ರುಕ್ಮಿಣಿ ವಸಂತ್ ಪಾತ್ರದ ಧೈರ್ಯ, ಹುಮಾ ಅವರ ಪಾತ್ರದ ತಂತ್ರ, ತಾರಾ ಸುತಾರಿಯಾ ಪಾತ್ರದ ಬಿಂದಾಸ್ ತನಗಳನ್ನು ಟೀಸರ್ನಲ್ಲಿ ತೋರಿಸಲಾಗಿದೆ.
ಟೀಸರ್ನಲ್ಲಿ ಕೆಲವು ದೃಶ್ಯಗಳಲ್ಲಿ ಯಶ್, ನಾಯಕಿಯರೊಡನೆ ಚೆಲ್ಲಾಟ ಆಡುತ್ತಿದ್ದಾರೆ. ಇನ್ನು ಕೆಲವು ದೃಶ್ಯಗಳಲ್ಲಿ ನಾಯಕಿಯರು ಯಶ್ ಅವರನ್ನು ಕೊಲ್ಲುವ ಪ್ರಯತ್ನದಲ್ಲಿದ್ದಾರೆ. ಟೀಸರ್ನ ಕೊನೆಯ ದೃಶ್ಯದಲ್ಲಂತೂ ಹಲವು ಮಹಿಳೆಯರು ಒಂದೇ ರೀತಿ ಬಟ್ಟೆ ತೊಟ್ಟು ಯಶ್ ವಿರುದ್ಧ ಫೈಟಿಂಗ್ ಮಾಡುತ್ತಿದ್ದಾರೆ. ಯಶ್, ನಿರ್ದಯವಾಗಿ ಒಬ್ಬ ಮಹಿಳೆಯ ಬಾಯಿಗೆ ಬಂದೂಕಿಟ್ಟು ಗುಂಡು ಹಾರಿಸುವ ದೃಶ್ಯವೂ ಇದೆ. ಒಟ್ಟಾರೆ, ಈ ಸಿನಿಮಾ, ಮಹಿಳೆ vs ಪುರುಷ ಇದ್ದಂತಿದೆ.
ಚಿತ್ರವು 2026 ಆಗಸ್ಟ್ 26 ರಂದು ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ಕನ್ನಡ, ಹಿಂದಿ, ತಮಿಳು, ತೆಲುಗು, ಮಲಯಾಳಂ ಮತ್ತು ಇಂಗ್ಲಿಷ್ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ನಿರ್ಮಾಪಕರು ಅಧಿಕೃತವಾಗಿ ಘೋಷಿಸಿದ್ದಾರೆ. ಈ ದಿನಾಂಕವನ್ನು ಇತ್ತೀಚೆಗೆ ದೃಢಪಡಿಸಲಾಗಿದೆ.
‘ಟಾಕ್ಸಿಕ್’ ಸಿನಿಮಾನಲ್ಲಿ ಬರೋಬ್ಬರಿ ಐವರು ನಾಯಕಿಯರು ನಟಿಸಿದ್ದಾರೆ. ಸಿನಿಮಾನಲ್ಲಿ ನಯನತಾರಾ ಗಂಗಾ ಹೆಸರಿನ ಪಾತ್ರದಲ್ಲಿ ನಟಿಸಿದ್ದಾರೆ, ಕಿಯಾರಾ ಅಡ್ವಾಣಿ ನಾಡಿಯಾ ಹೆಸರಿನ ಪಾತ್ರ, ತಾರಾ ಸುತಾರಿಯಾ ರೆಬೆಕಾ ಹೆಸರಿನ ಪಾತ್ರ, ಹುಮಾ ಖುರೇಷಿ ಎಲಿಜಬೆತ್ ಹೆಸರಿನ ಪಾತ್ರ ಮತ್ತು ರುಕ್ಮಿಣಿ ವಸಂತ್ ಮೆಲಿಸಾ ಹೆಸರಿನ ಪಾತ್ರಗಳಲ್ಲಿ ನಟಿಸಿದ್ದಾರೆ. ಇವರುಗಳು ಮಾತ್ರವೇ ಅಲ್ಲದೆ, ಕೆಲ ವಿದೇಶಿ ನಟಿಯರು ಸಹ ‘ಟಾಕ್ಸಿಕ್’ ಸಿನಿಮಾದ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಟೀಸರ್ನಲ್ಲಿ ರಾಯನನ್ನು ನಿರ್ಭಯ, ಕ್ರೂರ ಮತ್ತು ಪ್ರಭಾವಶಾಲಿ ಗ್ಯಾಂಗ್ಸ್ಟರ್ ಆಗಿ ಪರಿಚಯಿಸಲಾಗಿದೆ. ಅವರ ಸಂಭಾಷಣೆ ಮತ್ತು ಬಾಡಿ ಲ್ಯಾಂಗ್ವೇಜ್ ಪಾತ್ರದ ತೀವ್ರತೆಯನ್ನು ತೋರಿಸುತ್ತವೆ. ಸದ್ಯಕ್ಕೆ ಚಿತ್ರದ ಸಂಪೂರ್ಣ ಕಥೆ ಮತ್ತು ರಾಯನ ಹಿನ್ನೆಲೆಯನ್ನು ನಿರ್ಮಾಪಕರು ರಹಸ್ಯವಾಗಿಯೇ ಇಟ್ಟಿದ್ದಾರೆ. ಹೆಚ್ಚಿನ ಮಾಹಿತಿ ಚಿತ್ರದ ಬಿಡುಗಡೆಯೊಂದಿಗೆ ತಿಳಿಯಲಿದೆ.
ಜಾಹೀರಾತು
