ಲೋಕಸಭೆ ಚುನಾವಣೆ 2024 ಮುಗಿಯುವ ಹಂತಕ್ಕೆ ಬಂದಿದೆ.ಇನ್ನೊಂದೇ ಹಂತ ಬಾಕಿಯಿದೆ. ಈ ಚುನಾವಣೆ ಕುರಿತಾಗಿ ಪ್ರಶ್ನೆಗಳಿಗೆ ಸರಿಯಾದ ಉತ್ತರ ನೀಡಿದರೆ ನಿಮಗೆ ಭಾರೀ ಬಹುಮಾನವೇ ಸಿಗಲಿದೆ. ಇದು ಬೇರೆಲ್ಲೂ ಅಲ್ಲ ಮಂಗಳೂರಿನಲ್ಲಿ ಮಾತ್ರ. ಮಂಗಳೂರಿನ ಫೆಡರೇಷನ್ ಆಫ್ ಇಂಡಿಯನ್ ರ್ಯಾಷನಲಿಸ್ಟ್ ಅಸೋಸಿಯೇಷನ್ ಈ ಸ್ಪರ್ಧೆಯನ್ನು ಆಯೋಜಿಸಿದೆ.
ಸಾರ್ವಜನಿಕ ಚುನಾವಣೆ ವೇಳೆ ಗೆಲುವು ತಿಳಿಸಿ ಭಾರೀ ಬಹುಮಾನ ಗೆಲ್ಲಿರಿ ಎನ್ನುವ ಸ್ಪರ್ಧೆಯನ್ನು ಅಸೋಸಿಯೇಷನ್ ಅಧ್ಯಕ್ಷ ನರೇಂದ್ರನಾಯಕ್ ಅವರು 1991ರಿಂದಲೂ ಆಯೋಜಿಸುತ್ತಾ ಬಂದಿದ್ದಾರೆ. ಅದರಂತೆ ಲೋಕಸಭಾ ಚುನಾವಣೆ 2024ರ ಕುರಿತಾಗಿಯೂ ಸ್ಪರ್ಧೆಯನ್ನು ನಡೆಸುತ್ತಿದ್ದು 20 ಪ್ರಶ್ನೆಗಳಿಗೆ ಸರಿ ಉತ್ತರ ನೀಡುವವರಿಗೆ ಬರೋಬ್ಬರಿ 10 ಲಕ್ಷ ರೂ. ಬಹುಮಾನ ಲಭಿಸಲಿದೆ.
ಸ್ಪರ್ಧೆ ನಿಯಮ ಮತ್ತು ಪ್ರಶ್ನೆ ಈ ರೀತಿ ಇರಲಿದೆ
ಲೋಕಸಭೆ ಚುನಾವಣೆಯಲ್ಲಿ ಯಾರಿಗೆ ಬಹುಮತ ಬರಲಿದೆ. ಯಾವ ಪಕ್ಷಕ್ಕೆ ಬಹುಮತ ಬರಲಿದೆ ಎನ್ನುವುದನ್ನು ನಿಖರವಾಗಿ ಆ ಪಕ್ಷ ಪಡೆಯುವ ಸೀಟುಗಳನ್ನಾಧರಿಸಿ ಉಲ್ಲೇಖಿಸಬೇಕು.
ಶೇ 5 ರ ಹತ್ತಿರದ ಉತ್ತರಕ್ಕೆ ಅವಕಾಶವಿದೆ.
ಇದಲ್ಲದೇ ಬಿಜೆಪಿ, ಕಾಂಗ್ರೆಸ್, ಸಮಾಜವಾದಿ ಪಕ್ಷ, ಡಿಎಂಕೆ. ಬಿಆರ್ಎಸ್. ವೈಎಸ್ ಆರ್ಪಿ, ಸಿಪಿಐಎಂ, ಸಿಪಿಐ, ಎಐಎಡಿಎಂಕೆ, ಎನ್ಸಿಪಿ. ಟಿಎಂಸಿ ಹಾಗೂ ಆಮ್ ಆದ್ಮಿ ಪಕ್ಷ ಪಡೆಯುವ ಸ್ಥಾನಗಳನ್ನು ನಿಖರವಾಗಿ ತಿಳಿಸಬೇಕು.
ಇದರ ಜೊತೆಗೆ ವಿಶೇಷವಾಗಿ ಪ್ರಮುಖ ಅಭ್ಯರ್ಥಿಗಳಾದ ವಾರಣಾಸಿಯಿಂದ ಪ್ರಧಾನಿ ನರೇಂದ್ರಮೋದಿ, ವಯನಾಡಿನಿಂದ ರಾಹುಲ್ಗಾಂಧೀ, ಪೂರ್ವ ದೆಹಲಿಯಿಂದ ಕನ್ನಯ್ಯ ಕುಮಾರ್, ದಕ್ಷಿಣ ಕನ್ನಡದಿಂದ ಆರ್.ಪದ್ಮರಾಜ್, ಗಾಂಧಿನಗರದಲ್ಲಿ ಅಮಿತ್ ಶಾ., ಬೆಂಗಳೂರು ದಕ್ಷಿಣ ಬಿಜೆಪಿ ಅಭ್ಯರ್ಥಿ ತೇಜಸ್ವಿ ಸೂರ್ಯ ಇವರುಗಳು ಎಷ್ಟು ಮತ ಪಡೆಯುವರು ಎನ್ನುವ ವಿವರ ನೀಡಬೇಕು. ಇಲ್ಲಿಯೂ ಶೇ. 5 ರಷ್ಟು ಹತ್ತಿರದ ಉತ್ತರವಿದ್ದರೆ ಪರಿಗಣಿಸಲಾಗುತ್ತದೆ.
ಸ್ಪರ್ಧೆಯಲ್ಲಿ ಭಾಗವಹಿಸುವವರು ಎಲ್ಲಾ ಪ್ರಶ್ನೆಗಳಗೆ ಉತ್ತರವನ್ನು ನೀಡಲೇಬೇಕು. ಅಪೂರ್ಣ ಅರ್ಜಿಗಳನ್ನು ಬಹುಮಾನಕ್ಕೆ ಪರಿಗಣಿಸುವುದಿಲ್ಲ. ಜೂನ್ 1 ರ ಒಳಗೆ ಪ್ರವೇಶಾತಿಗಳನ್ನು ಸಲ್ಲಿಸಬೇಕು. ಸಣ್ಣ ಪುಟ್ಟ ತಪ್ಪುಗಳನ್ನು ಒಪ್ಪಿಕೊಂಡು ಎಲ್ಲಾ ಉತ್ತರ ನೀಡಿದವರನ್ನು ಬಹುಮಾನಕ್ಕೆ ಪರಿಗಣಿಸಲಾಗುತ್ತದೆ.
ಎಲ್ಲಾ ಉತ್ತರಗಳೊಂದಿಗೆ ಪತ್ರಗಳನ್ನು ಪೂರ್ಣ ಹೆಸರು, ವಿಳಾಸದೊಂದಿಗೆ ಸಲ್ಲಿಸಬೇಕು. ಒಬ್ಬರಿಗೆ ಒಂದು ಉತ್ತರ ಕಳುಹಿಸಲು ಮಾತ್ರ ಅವಕಾಶ. ಹೆಚ್ಚು ಕಳುಹಿಸಿದ್ದರೆ ಒಂದನ್ನು ಮಾತ್ರ ಪರಿಗಣಿಸಲಾಗುತ್ತದೆ. ಹತ್ತು ಲಕ್ಷ ರೂ. ಬಹುಮಾನವನ್ನು ಸರ್ಕಾರದ ನಿಯಮದಂತೆ ತೆರಿಗೆ ಕಡಿತಗೊಳಿಸಿ ನೀಡಲಾಗುತ್ತದೆ ನಾಯಕ್ ಎಂದಿದ್ದಾರೆ.
ಜಾಹೀರಾತು
ಭಾಗವಹಿಸುವವರು:-
ಪ್ರವೇಶ ಪತ್ರಗಳನ್ನು 13-0-1220/2, ಸುರಕ್ಷಾ ಅಪಾರ್ಟ್ಮೆಂಟ್ಸ್, ವಿಟಿ ರೋಡ್, ಮಂಗಳೂರು575001 ಅಥವಾ ಮೇಲ್ ಐಡಿ narenyen@gmail.com ಗೂ ಕಳುಹಿಸಬಹುದು. ವಿವರಗಳಿಗೆ ನರೇಂದ್ರ ನಾಯಕ್ ಅವರನ್ನು 9448216343 ಸಂಪರ್ಕಿಸಬಹುದು.
