ಮೈತುಂಬ ಎರಡು ಕೋಟಿ ಮೌಲ್ಯದ ಚಿನ್ನಾಭರಣಗಳನ್ನು ಧರಿಸಿಕೊಂಡು ಎಂಟ್ರಿ ಕೊಟ್ಟ ಗೋಲ್ಡ್ ಸುರೇಶ್ ಬಿಗ್ ಬಾಸ್ 11ರ ಸ್ಪರ್ಧಿ. ಉತ್ತರ ಕರ್ನಾಟಕದ ಬೆಳಗಾವಿ ಜಿಲ್ಲೆಯಿಂದ ಬಂದು ಬೆಂಗಳೂರಿನಲ್ಲಿ ನೆಲೆಸಿಕೊಂಡು ಸಿವಿಲ್ ಕನ್ಸ್ಟ್ರಕ್ಷನ್ ಕೆಲಸಗಳನ್ನು ಮಾಡಿಕೊಂಡಿದ್ದಾರೆ. ಇವರು ಮೈಮೇಲೆ ಹಾಕೊಂಡಿರುವ ಗೋಲ್ಡ್ ನಿಂದಲೇ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್. ಇಷ್ಟೆಲ್ಲಾ ಚಿನ್ನವನ್ನು ಮೈಮೇಲೆ ಧರಿಸಿಕೊಂಡಿರುವ ಇವರಿಗೆ ಇಬ್ಬರು ಗನ್ ಮ್ಯಾನ್ ಮತ್ತು ನಾಲ್ವರು ಬಾಡಿಗಾರ್ಡ್ ಗಳು ಇದ್ದಾರೆ.
ಸಾಮಾನ್ಯ ಬಡ ಕುಟುಂಬದಿಂದ ಬಂದು, ಕಠಿಣ ಪರಿಶ್ರಮದಿಂದ ಈ ಹಂತಕ್ಕೆ ತಲುಪಿರುವುದಾಗಿ ಹೇಳಿ ಕೊಂಡಿರುವ ಸುರೇಶ್ ಶಾಲಾ-ಕಾಲೇಜಿಗಳಿಗೂ ತೆರಳಿ ಮಕ್ಕಳಿಗೆ ಸ್ಪೂರ್ತಿಯ ಭಾಷಣ ಮಾಡುತ್ತಾರೆ.
ಜಾಹೀರಾತು
ಚಿನ್ನದ ಶರ್ಟ್ ಮಾಡಿಕೊಳ್ಳಬೇಕು ಎಂಬುವುದು ಗೋಲ್ಡ್ ಸುರೇಶ್ ಅವರ ಕನಸಂತೆ. ಇಷ್ಟು ಮಾತ್ರವಲ್ಲದೇ ಗೋಲ್ಡ್ ಸುರೇಶ್ ರೈತರಾಗಿಯೂ ಜಮೀನಿನಲ್ಲಿ ಕೆಲಸ ಮಾಡುತ್ತಾರೆ.
ಕೃಷಿಯಲ್ಲಿ ಹೆಚ್ಚಿನ ಆಸಕ್ತಿ ಇರುವ ಗೋಲ್ಡ್ ಸುರೇಶ್ ಚಿನ್ನದ ವ್ಯಾಪಾರಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. ಇದೀಗ ಮೊದಲ ಕ್ಯಾಮೆರಾ ಮುಂದೆ ಸುರೇಶ್ ಬಂದಿದ್ದಾರೆ.
ಜಾಹೀರಾತು
ಇನ್ಸ್ಟಾಗ್ರಾಮ್ನಲ್ಲಿ ಇವರು 15 ಸಾವಿರಕ್ಕೂ ಅಧಿಕ ಫಾಲೋವರ್ಗಳನ್ನು ಹೊಂದಿದ್ದಾರೆ. ಇನ್ಸ್ಟಾಗ್ರಾಮ್ನಲ್ಲೂ ಗೋಲ್ಡ್ ಸುರೇಶ್ ಎನ್ನುವ ಹೆಸರನ್ನೇ ಇರಿಸಿಕೊಂಡಿರುವ ಇವರ ರಾಪರ್ ಚಂದನ್ ಶೆಟ್ಟಿ, ಬಿಜೆಪಿ ಹಿರಿಯ ನಾಯಕ ಬಿಎಸ್ ಯಡಿಯೂರಪ್ಪ ಅವರೊಂದಿಗೆ ಫೋಟೋಗಳನ್ನು ತೆಗೆದುಕೊಂಡಿದ್ದಾರೆ. ತಮ್ಮ ಮನೆಯ ನಾಯಿಗೂ ಗೋಲ್ಡ್ ಚೈನ್ ಹಾಕಿ ಸಂಭ್ರಮಿಸುವ ಗೋಲ್ಡ್ ಸುರೇಶ್ ಚಿನ್ನದ ಕ್ರೇಜ್ ಬಿಗ್ ಬಾಸ್ ಮನೆಯಲ್ಲಿ 24 ಕ್ಯಾರೆಟ್ ಜನರ ಮನಸ್ಸನ್ನು ಗೆಲ್ಲುತ್ತಾ ಕಾದುನೋಡಬೇಕು.
ಜಾಹೀರಾತು
